Vitamin B9: విటమిన్ బి9.. దీనినే ఫోలిక్ యాసిడ్.. ఫోలేట్ అని కూడా పిలుస్తారు.. మన శరీరానికి కావాల్సిన విటమిన్ లలో ఇది కూడా ఒకటి.. విటమిన్ బి9 శరీరంలో కొత్త కణాలను ఏర్పరుస్తుంది. శరీరంలో ఆక్సిజన్ లెవెల్స్ ను బ్యాలెన్స్ చేస్తుంది.. విటమిన్ బి9 ఏ ఆహార పదార్థాలలో లభ్యమవుతుందో ఇప్పుడు చూద్దాం..!
గోధుమలు, ఆవాలు, సోయా బీన్స్ , కిడ్నీ బీన్స్, బీన్స్ కసూరి మెంతులు, పొద్దుతిరుగుడు విత్తనాలు, అవిస గింజలు మొలకలు,గుమ్మడికాయ విత్తనాలు, రాజ్మా, మొలకలు, బాదం పప్పు, కంది పప్పు లో విటమిన్ బి 9 సమృద్ధిగా లభిస్తుంది. ఇక కూరగాయలలో బీట్ రూట్, క్యారెట్ , చిలకడ దుంపలు, బ్రకోలి లో విటమిన్ బి 9 అందుతుంది. గుడ్లు లో కూడా ఫోలిక్ యాసిడ్ ఎక్కువగా ఉంటుంది. నారింజ పండులో ఫోలేట్ సమృద్ధిగా లభిస్తుంది. అన్ని రకాల ఆకుకూరలలో ఈ విటమిన్ దొరుకుతుంది. అదేవిధంగా నాన్ వెజ్ లో సీ ఫుడ్స్ అయిన చేపలు లో పుష్కలంగా ఉంటుంది. అందువలన రోజు ఈ వీటిని మీ డైట్ లో భాగం చేసుకుంటే విటమిన్ బి లోపం తలెత్తదు.
వీటిని ప్రతి రోజూ తీసుకోవడం వలన కొత్త రక్త కణాలు ఏర్పడతాయి. వృద్ధాప్యంలో వినికిడి సమస్యలు రాకుండా చేస్తుంది. మెదడు అభివృద్ధి, నాడీ వ్యవస్థను పనితీరుకు ఈ విటమిన్ అవసరం. గర్భిణీ స్త్రీలు మొదటి నెల నుంచే వీటిని తినడం వలన కడుపులో పిండం ఎదుగుదల బాగుంటుంది. పుట్టే బిడ్డ లో అవయాల లోపం రాకుండా చేస్తుంది.