Watermelon: వేసవి వచ్చిందంటే పుచ్చకాయల సీజన్ వచ్చినట్లే.. వేసవి తాపాన్ని తగ్గించడం లో పుచ్చకాయలు ముందు వరుసలో ఉంటాయి.. నీటి శాతం ఎక్కువగా ఉండి పోషకాలు ఉన్న పండ్లలో పుచ్చకాయలు కూడా ఒకటి.. పుచ్చకాయ ముక్కలు, జ్యూస్ తాగి బోర్ కొట్టిందా.. అయితే పుచ్చకాయ ఐస్ క్రీం ఎంచక్కా ఇంట్లోనే చేసుకుని లాగించేయండి..! చల్ల చల్లగా తిన్నట్టు ఉంటుంది.. ఆరోగ్యం కూడా.. పుచ్చకాయ ఐస్ క్రీం ఎలా తయారు చేసుకోవాలో ఇప్పుడు చూద్దాం..!
- Read the latest news from NEWSORBIT
- Follow us on facebook , Twitter , instagram and Googlenews
పుచ్చకాయ ఐస్ క్రీం తయారీ విధానం..!
పుచ్చకాయ ఐస్ క్రీమ్ తయారు చేయడానికి ఒకటిన్నర కప్పు పుచ్చకాయ జ్యూస్, కండెన్స్డ్ మిల్క్ ఒక కప్పు, తాజా క్రీమ్ 400 ML, వెనిల్లా ఎక్స్ ట్రాక్ట్ ఒక చెంచా అవసరం. ముందుగా పుచ్చకాయను కట్ చేసి సన్న సన్న ముక్కలుగా తరిగి విత్తనాలను తీసి పక్కన పెట్టుకోవాలి. పుచ్చకాయ ముక్కలను మిక్సీ పట్టి జ్యూస్ లా తయారు చేసుకోవాలి.
ఒక ఒక గిన్నె తీసుకొని అందులో ఫ్రెష్ క్రీం వేసి బీటర్ తో సాప్ట్ గా చేయాలి. ఇప్పుడు వెనిల్లా ఎక్స్ ట్రాక్ట్ వేసి రెండింటిని కలపాలి. ఆ తరువాత కండెన్స్డ్ మిల్క్ వేసి మూడు కలిసేలా కలుపుకోవాలి. ఇక చివరగా పుచ్చకాయ జ్యూస్ కలపాలి. ఇలా ఒకదాని తర్వాత ఒకటి వేసి కలుపుకుంటే అన్ని కలిసిపోయి పుచ్చకాయ ఫ్లేవర్ తెలుస్తుంది. ఇలా తయారుచేసుకున్న ఐస్ క్రీమ్ బ్యాటర్ ను ఐస్క్రీం మిక్సర్ లో కి వేసుకొని పది గంటల పాటు డీప్ ఫ్రిజ్లో ఉంచాలి. అంతే పుచ్చకాయ ఐస్ క్రీమ్ తినడానికి రెడీ. ఈ ఐస్ క్రీం ను ఫ్రిజ్ లోని ఉంచుకొని అవసరమైనప్పుడల్ల తీసుకుని తినవచ్చు. ఐస్ క్రీమ్ తినడానికి టేస్టీగానే కాకుండా శరీరంలోని వేడిని తగ్గిస్తుంది. వేసవిలో శరీరాన్ని చల్లబరుస్తుంది. అంతే కాకుండా బరువు తగ్గడానికి కూడా ఈ ఐస్ క్రీమ్ సహాయపడుతుంది.
