Intermittent Fasting: సాధారణంగా హిందువులు వారంలో ఏదో ఒక రోజు ఉపవాసం చేస్తూ ఉంటారు.. కొంతమంది ప్రత్యేక తిధులలో ఉపవాసం చేస్తూ ఉంటారు.. రంజాన్ నెల ప్రారంభం నుంచి చివరి వరకు ముస్లింలు ఉపవాసం ఉంటారు.. ఉపవాసం చేస్తే మన ఆరోగ్యానికి మంచిది అని అందరికీ తెలిసిందే.. ఇటీవల కాలంలో ఇంటర్మిటెంట్ ఫాస్టింగ్ బాగా ప్రాచుర్యం పొందింది..!! ఇంతకీ ఇంటర్మిటెంట్ ఫాస్టింగ్ అంటే ఏమిటి..!? ఏ విధంగా చేయాలో ఇప్పుడు తెలుసుకుందాం..!!
ఇంటర్మిటెంట్ ఫాస్టింగ్ అంటే రోజు లో చాలా గంటలపాటు ఏమీ తినకుండా కేవలం నీరు మాత్రమే తాగుతూ ఉండాలి.. కొన్ని గంటల పాటు మాత్రమే మనకు ఇష్టమైన ఆహారం తీసుకోవచ్చు. రోజుకు 24 గంటలు.. ఇంటర్మిటెంట్ ఫాస్టింగ్ లో 14 నుంచి 16 గంటలు ఉపవాసం ఉండాలి. ఆ సమయంలో కేవలం నీరు, కాఫీ, టీ, ఫ్రూట్ జ్యూస్ వంటివి తాగవచ్చు మిగతా 8 – 10 గంటలకు సమయం తమకు నచ్చిన ఆహారాన్ని ఇష్టమైనంత తినవచ్చు.
అది ఎలాగంటే.. ఉదయం ఎనిమిది గంటలకు మీరు అల్పాహారం తీసుకున్నారు అనుకుందాం.. ఇంటర్మిటెంట్ ఫాస్టింగ్ లో 16 గంటల వరకు ఏమి తినకూడదు. ఉదాహరణకు మీరు ఉదయం ఎనిమిది గంటలకు టిఫిన్ చేస్తే.. అప్పటి నుంచి 8 గంటలు అంటే సాయంత్రం నాలుగు గంటల కల్లా మీ భోజనం ముగించాలి. ఈ మధ్యలో మీకు నచ్చినంత నచ్చిన ఆహారాన్ని ఇష్టమైనంత తినొచ్చు. ఇక సాయంత్రం 4 నుంచి మరుసటి రోజు ఉదయం ఎనిమిది గంటల వరకు ఏమీ తీసుకోకూడదు. ఈ మధ్యలో మంచినీళ్లు, టీ, కాఫీ, మజ్జిగ, పండ్ల రసం వంటి ద్రవ పదార్థాలు మాత్రమే తీసుకోవాలి. ఇలా చేయటాన్ని ఇంటర్మిటెంట్ ఫాస్టింగ్ అంటారు. ఇలా ఫాస్టింగ్ చేస్తే ఎలాంటి ప్రయోజనాలు కలుగుతాయో తరవాత ఆర్టికల్ లో చూద్దాం..