సొరియాసిస్ ఎక్కువగా మోచేతులు, మోకాళ్లు, తల, వీపు భాగాలలో కనిపిస్తుంది. అంతేకాదు కాలిగోళ్లలోకి విస్తరిస్తుంది. సొరియాసిస్తో బాధపడుతున్న 15 శాతం మందిలో ఆర్థరైటిస్ లక్షణాలు కూడా కనిపిస్తాయి.
దీన్ని సొరియాటిక్ ఆర్థరైటిస్ అంటారు. సొరియాసిస్ ఉన్న వారిలో ముప్ఫై శాతం మందికి సొరియాటిక్ ఆర్థ్రైటిస్ వచ్చే అవకాశం ఉంది. సొరియాటిక్ ఆర్థ్రైటిస్ ఉన్న వారికి సొరియాసిస్, ఆర్థ్రైటిస్ రెండింటి లక్షణాలూ ఉంటాయి. ఈ పరిస్థితి వల్ల ఇంఫ్లమేషన్ ఎక్కువగా ఉంటుంది. ఈ ఇంఫ్లమేషన్ వ్యాధినిరోధక వ్యవస్థ నుండి జీర్ణ వ్యవస్థావరకూ శరీరం లోని చాలా వ్యవస్థల మీద ప్రభావం చూపుతుంది.
ఆ ప్రభవాలు ఏమిటో ఇక్కడతెలుసుకుందాం. చర్మం, జుట్టుగోళ్లు, కండరాలు, ఎముకల మీద దీని ప్రభావంఉంటుంది. రోగ నిరోధక శక్తి మీద కూడా దీని ప్రభావం ఉంటుంది. కళ్ళు, చూపుపై, జీర్ణ క్రియ, శ్వాస క్రియ, గుండె, మానసిక ఆరోగ్యం మీద ప్రభావం చూపుతుందని నిపుణులు చెప్తున్నా మాట.
సొరియాటిక్ ఆర్థ్రైటిస్ కి చికిత్స ఏమిటో తెలుసుకుందాం.
సొరియాటిక్ ఆర్థ్రైటిస్ ని పూర్తిగా నయం చేయలేము. అయితే, చికిత్స వలన లక్షణాలనూ తగ్గించుకోవచ్చు. ఈ చికిత్స లో మందులూ, ఇంజెక్షన్స్ ద్వారా ఇంఫ్లమేషన్ ని తగ్గించే ప్రయత్నం చేస్తారు. జీవనవిధానం లోకొన్ని మార్పులు చేసుకోవడం అవసరం.
క్రమము తప్పకుండ వ్యాయామం చేయడం అలవాటు చేసుకోవాలి. రోజు వారీ పనులని జాయింట్స్ ఎఫెక్ట్ అవ్వకుండా చేయడానికి చూడడం తప్పని సరి. ఆరోగ్యకరమైన బరువు కొనసాగేలా చూసుకోవాలి. అవసరమైనప్పుడు విశ్రాంతి తీసుకోవడం.
ఇంఫ్లమేషన్ ను పెంచే ఆహారం తీసుకోకపోవడం వంటివి చేయాలి .
స్నేహితులు మరియు కుటుంబ సభ్యుల నుండి సపోర్ట్ తీసుకోవడానికి సందేహించకూడదు .