Wrinkles: కొంతమందికి చిన్న వయసు లోనే ముఖం ముడతలు పడుతుంది దాంతో వారు పెద్దవయసు వారిలో కనిపిస్తుంటారు.. ముఖంపై ముడతలు రావడానికి కారణాలు అనేకం.. వాటికి తోడు రోజువారి జీవితంలో మనం చేసే కొన్ని చిన్న చిన్న పొరపాటున కూడా కారణమవుతాయి..! ఆ తప్పులను ఎలా అధిగమించాలంటే..!?
మనం నిద్రపోయే విధానం కూడా చర్మం ముడతలు పడటానికి ఒక కారణం. ఒక వైపు తిరిగి పడుకోకుండా దిండు మీద తల ఆనించి నిద్రపోవాలి. తలగడ వల్ల ముఖ చర్మం ముడుతలు పడే అవకాశం ఉంది. మంచినీళ్లు సిప్ చేసి తాగకూడదు. గ్లాస్ లేదా బాటిల్ పైకెత్తి నీళ్లు తాగడం మంచిది. మనం ఎంచుకునే సబ్బు కూడా మన చర్మ ఆరోగ్యాన్ని డిసైడ్ చేస్తుంది. బ్రాండెడ్ సబ్బులు అయినా అవి మన చర్మానికి సరిపోతాయా లేదా అనేది చూసుకోవాలి. బ్రాండెడ్ సోప్స్ అయినా కూడా కొంతమంది శరీరానికి నప్పవు. వాటి వలన కూడా చర్మం ముడుతలు పడే అవకాశం ఎక్కువగా ఉంది.
పంచదారను ఎక్కువగా తీసుకోవటం వలన చర్మంపై ముడతలు పడతాయి. మోతాదుకు మించి చక్కెరను తీసుకోవడం వల్ల శరీరంలో గ్లైకేషన్ అనే ప్రక్రియ మొదలవుతుంది. ఫలితంగా చర్మం మృదుత్వాన్ని కోల్పోయి ముడతలు పడుతుంది. ఒమెగా 3 ఫ్యాటీ యాసిడ్స్ ఉన్న ఆహారాలను తీసుకుంటూ ఉండాలి. లేదంటే శరీరానికి కావాల్సిన కొవ్వు అందక కూడా కూడా చర్మం ముడతలు పడుతుంది.
