Aadhaar card : ఆధార్ కార్డు భారత దేశ ప్రజలకు అత్యంత ముఖ్యమైన గుర్తింపు కార్డు.. దీని ప్రాముఖ్యత, అవసరం గురించి ప్రత్యేకంగా చెప్పనవసరం లేదు.. ప్రభుత్వ సంక్షేమ పథకాల్లో ఆధార్ కార్డ్ తప్పనిసరి.. కొన్ని సార్లు ఏదైనా పథకానికి అప్లై చేసినపుడు, మీ ఆధార్ కార్డ్ మీద ఎక్కువ కరెంటు బిల్ వస్తుందని, లేదంటే కార్ ఉన్నట్లు చూపిస్తుంది.. అసలు అతనికి ఉండటానికి సరైన ఇళ్లే లేదు.. ఇదేంటి అనుకునే పరిస్థితులు చాలానే తారసపడి ఉంటాయి.. మీ ఆధార్ కార్డ్ మీరే వాడుతున్నారా.. లేక , ఇతరులు ఎవరైనా మీకు తెలియకుండా మీ ఆధార్ కార్డ్ ఉపయోగిస్తున్నారా.. ఎలా ఉపయోగించారో ఇప్పుడు తెలుసుకుందాం..!!
ఆధార్ కార్డ్ ఎప్పుడు వాడారో ఇలా తెలుసుకోవచ్చు..
* ముందుగా మీ ఆధార్ కు మొబైల్ నెంబర్ లింక్ అయ్యి ఉండాలి.
* ఇప్పుడు ఆధార్ అథెంటికేషన్ హిస్టరీ ( Aadhaar card Authentication History ) పేజ్ ను ఓపెన్ చేయాలి.
* ఇందులో మీ ఆధార్ నెంబర్ ను ఎంటర్ చేయాలి.
* అక్కడ కనిపించే సెక్యూరిటీ కోడ్ ను ఎంటర్ చేసి.. తరవాత జనరేట్ ఓటీపీ పై క్లిక్ చేయాలి.
* ఇప్పుడు మీ ఆధార్ రిజిస్టర్డ్ మొబైల్ కు ఓటీపీ వస్తుంది.
* ఇక్కడ కనిపించే పేజీ లో ఎన్ని లావాదేవీలు చూడాలనుకుంటున్నారు.. ఎన్ని రోజులు నుంచి తెలుసుకోవాలనుకుంటున్నారో తెలపాలి.
* మీ మొబైల్ కు వచ్చిన ఓటీపీ ని ఎంటర్ చేసి సబ్మిట్ బటన్ ప్రెస్ చేయాలి..
* వెంటనే తేదీ, సమయం, ఆధార్ కార్డ్ అథెంటికేషన్ వివరాలు స్క్రీన్ పై కనిపిస్తాయి.
* దీనిని స్క్రీన్ షాట్ తీసుకొని సేవ్ చేసుకోవచ్చు.
* ఆధార్ అథెంటికేషన్ హిస్టరీ తెలుసుకోవడం ద్వారా మీ ఆధార్ కార్డు ఎప్పుడు.. ఎక్కడ.. ఎలా ఉపయోగించారో తెలుసుకోవచ్చు. మన ఆధార్ కార్డు ను మనం కాకుండా ఇంకా ఎవరైనా ఉపయోగించారో కూడా తెలుస్తుంది..
