Virus: కరోనా వైరస్ మహమ్మారి ఓ వైపు ప్రపంచాన్ని వణికిస్తుండగా తాజాగా ఈ జాబితాలో ఇంకో వైరస్ వచ్చి చేరింది. కరోనా వైరస్కు చెందిన రకరకాల వేరియంట్ల నుంచి షాక్ కు గురవుతున్న ప్రజలు ఇంకా సురక్షితంగా బయటపడక ముందే ఆఫ్రికాలో మరో ప్రాణాంతక వైరస్ బయటపడింది. దీంతో షాక్ తినడం మనవంతు అవుతోంది.
Read More: corona: కరోనా థర్డ్ వేవ్ కలకలం.. ఆ పని చేసిన కేంద్రం….
ఇది ఆ రోగం కథ…
ఆఫ్రికాలోని గినియా దేశంలో మార్బర్గ్ వైరస్ కేసును గుర్తించినట్టు ప్రపంచ ఆరోగ్య సంస్థ (డబ్ల్యూహెచ్ఓ) తెలిపింది.ఎబోలా జాతికి చెందిన ఈ వైరస్ కరోనా తరహాలోనే అత్యంత వేగంగా వ్యాపిస్తుందని డబ్ల్యూహెచ్ఓ తెలిపింది. ఈ వైరస్ సోకిన ప్రతి 100 మందిలో 88 మంది చనిపోయే ప్రమాదం ఉందని హెచ్చరించింది. ఈ నేపథ్యంలో ప్రారంభంలోనే ఈ వైరస్ కు అడ్డుకట్ట వేయాల్సిన అవసరం ఉందని తెలిపింది. ఇది గబ్బిలాల్లో వ్యాపించే వైరస్ అని… వాటి నుంచి మనుషులకు ఇది సోకి ఉంటుందని చెప్పింది.
Read More :Corona: కరోనా డెల్టా వేరియంట్ ఎంత డేంజర్ అంటే…
ఇలా బయటపడింది…
సియర్రా లియోన్, లిబేరియా బోర్డర్ వద్ద ఉన్న ఓ గ్రామంలో మార్బర్గ్ కేసు నమోదు అయ్యింది. తొలుత ఆ పేషెంట్కు మలేరియా పరీక్ష నిర్వహించారు. కానీ ఆ తర్వాత అది మార్బర్గ్ అని తేల్చారు. గుకిడెవో రాష్ట్రంలో ఆగస్టు 2వ తేదీన చనిపోయిన ఓ పేషెంట్ నుంచి తీసుకున్న శ్యాంపిళ్ల ద్వారా ఈ విషయాన్ని ద్రువీకరించారు. ఆ వైరస్ జాతీయ, ప్రాంతీయ స్థాయిలో మాత్రమే విస్తరిస్తుందని, ప్రపంచవ్యాప్తంగా వ్యాప్తి చెందే అవకాశాలు లేవని డబ్ల్యూహెచ్వో తెలిపింది.