Breaking: దేశంలో గత కొద్ది నెలలుగా పెట్రో ధరలు పైపైకి దూసుకువెళుతున్న సంగతి తెలిసిందే. పెట్రోల్ లీటర్ ధర రూ.120, డీజిల్ లీటర్ రూ.105 లకు పైగా పెరిగిపోయాయి. పెట్రోల్, డీజిల్ ధరల పెరుగుదల ప్రభావం అన్ని రంగాలపై పడుతోంది. రవాణా చార్జీలు పెరుగుదలతో నిత్యావసర వస్తువులు, కూరగాయల ధరలు విపరీతంగా పెరగడంతో సామాన్యులు, వాహనదారులు తీవ్ర ఇబ్బందులు పడుతున్నారు. అన్ని వర్గాల ప్రజలు కేంద్ర ప్రభుత్వ తీరును తీవ్ర స్థాయిలో విమర్శిస్తున్నారు. అయిదు రాష్ట్రాల ఎన్నికల వరకూ పెట్రోల్, డీజిల్ ధరలు పెరగలేదు. ఆ తరువాత వరుసగా బాదుడే బాదుడు అన్నట్లుగా దాదాపు 14, 15 సార్లు పెట్రోల్, డీజిల్ ధరలు పెరిగాయి.
- Read the latest news from NEWSORBIT
- Follow us on facebook , Twitter , instagram and Googlenews
కేంద్ర ప్రభుత్వంపై ప్రజల నుండి తీవ్ర వ్యతిరేకత వ్యక్తం అవుతున్న నేపథ్యంలో ధరల తగ్గింపునకు కేంద్రం కీలక నిర్ణయం తీసుకుంది. పెట్రోల్, డీజిల్ పై ఎక్సైజ్ సుంకం తగ్గించింది. పెట్రోల్ పై రూ.8లు, డీజిల్ పై రూ.,6లు ఎక్సైజ్ సుంకాన్ని తగ్గిస్తున్నట్లు కేంద్ర ఆర్ధిక మంత్రి నిర్మలా సీతారామన్ శనివారం వెల్లడించారు. కేంద్ర ప్రభుత్వం తీసుకున్న ఈ నిర్ణయంతో పెట్రోల్ ధర రూ.9.50ల మేర తగ్గనుండగా, లీటర్ డీజిల్ ధర రూ.7ల మేర తగ్గుతుందని మంత్రి వివరించారు. కేంద్ర ప్రభుత్వ తాజా నిర్ణయంతో వాహనదారులు ఊరట లభిస్తొంది.
