భారత సంతతికి చెందిన రుషి సునాక్ ఇటీవల బ్రిటన్ ప్రధానిగా ఎన్నికైన సంగతి తెలిసిందే. ప్రధానిగా పగ్గాలు చేపట్టిన తర్వాత ఆయన తొలి సారిగా ఒక ఆంగ్ల పత్రికకు ఇంటర్వ్యూలో చేసిన వ్యాఖ్యలు హిందూ ప్రజానీకాన్ని ఆకట్టుకున్నాయి. ఇంతకూ ఆయన ఏమన్నారంటే .. బ్రిటన్ మొట్టమొదటి హిందూ ప్రధాని అయినందుకు గర్వపడుతున్నానని పేర్కొన్నారు. ప్రధానిగా తాను ఎన్నిక కావడం బ్రిటన్ లో భిన్నత్వానికి నిలువెత్తు నిదర్శనమని వ్యాఖ్యానించారు. 42 ఏళ్ల వయసులోనే బ్రిటన్ కు ప్రధాని గా ఎన్నికైన రుషి సునాక్ .. ఏ ముఖ్య కార్యక్రమం చేయడానికైనా తొలుత గోమాతకి పూజ చేస్తారు. దీపావళి పండుగను ఘనంగా జరుపుకుంటారు. ఆర్ధిక మంత్రిగా ఉన్న సమయంలో డౌనింగ్ స్ట్రీట్ లో దీపావళి పండుగకి దివ్వెలు వెలిగించారు.
ఇదే సందర్భంలో ప్రధాని రేసు నుండి తప్పుకుంటున్నట్లు వచ్చిన వార్తలపైనా స్పందించారు రుషి సునాక్. ప్రధాని ఎన్నిక సమయంలో బోరిన్ జాన్సన్ ప్రధాని కావడానికి వీలుగా తాను పోటీ నుండి తప్పుకుంటానని జరిగిన ప్రచారాన్ని ఖండించారు. పార్లమెంట్ లో తన సహచర ఎంపీల నుండి గట్టి మద్దతు ఉందనీ, దేశం ఆర్ధిక సంక్షోభంలో కూరుకున్న ప్రస్తుత తరుణంలో ప్రధానిగా తానే సరైన వ్యక్తిని గట్టిగా విశ్వసించానని తెలిపారు. ప్రధాని రేసు నుండి తప్పుకోవాలన్న ఆలోచన తనకు ఎప్పుడూ రాలేదని రుషి సునాక్ పేర్కొన్నారు. కాగా రుషి సునాక్ ..భారత దేశానికి చెందిన ఇన్ఫోసిస్ నారాయణమూర్తి అల్లుడు అన్న సంగతి తెలిసిందే. రుషి సునాక్ వివాహం కర్ణాటక రాజధాని బెంగళూరులో జరిగింది.
Supreme Court: ఒక రోజు ముందుగా సీజేఐగా జస్టిస్ యూయూ లలిత్ కు వీడ్కోలు..నేడు ఆ కీలక అంశంపై తీర్పు
