Char Dham Pilgrims Alert: ఉత్తరాఖండ లోని చమోలి సమీపంలో ఉన్న పర్వతం నుండి శిధిలాలు కింద పడుతుండటంతో బద్రీనాథ్ జాతీయ రహదారిని తాత్కాలికంగా మూతపడింది. కొండ శిధిలాలు విరిగి రోడ్డుపై పడటంతో అధికారులు బద్రీనాథ్ హైవేను మూసివేశారు. దీంతో చార్ థామ్ యాత్రకు అంతరాయం ఏర్పడింది. కత్వాలి చమోలి ప్రాంతంలోని బజ్ పూర్ లో పర్వతం నుండి శిధిలాలు రోడ్డుపై పడటంతో బద్రీనాథ్ హైవే మూతపడిందని పోలీసులు తెలిపారు. ఈ రహదారిలో వాహనాల రాకపోకలను తాత్కాలికంగా నిలిపివేసినట్లు ప్రకటించారు.
కేదార్ నాథ్, బద్రీనాథ్ లలో ప్రతికూల వాతావరణ పరిస్థితులు ఉండటంతో చార్ థామ్ యాత్రకు వచ్చిన భక్తులు ఇబ్బందులు పడుతున్నారు. ప్రతికూల వాతావరణ పరిస్థితుల నేపథ్యంలో శ్రీనగర్ పోలీసులు ముందు జాగ్రత చర్యగా చార్ థామ్ యాత్రను నిలిపివేశారు. ఇప్పటికే చార్ థామ్ యాత్రకై శ్రీనగర్ చేరుకున్న వారి కోసం బస ఏర్పాటు చేశారు. యాత్రికులకు ఇబ్బందులు పడకుండా ఏర్పాట్లు చేస్తున్నారు. ప్రస్తుతం బద్రీనాథ్ రోడ్డులో కొండ చరియలు విరిగి పడటంతో పాటు మంచు కూడా కురుస్తొంది. రేపు కూడా ఆ ప్రాంతంలో మంచు కురిసే అవకాశం ఉన్నట్లుగ భారత వాతావరణ శాఖ తెలిపింది. అయితే వాతావరణం అనుకూలంగా మారిన తర్వాత యాత్రికులను అనుమతిస్తామని అధికారులు వెల్లడించారు.
KCR: ఆ ఉద్యోగులకు గుడ్ న్యూస్ చెప్పిన కేసిఆర్ సర్కార్ .. 40 విభాగాల్లోని 5544 మంది కుటుంబాలకు మేలు
