corona: గ‌త కొద్దికాలంగా క‌ల‌వ‌ర‌పెడుతున్న కరోనా థ‌ర్డ్‌వేవ్ విష‌యంలో ఓ తీపిక‌బురు. కరోనా థర్డ్ వేవ్‌ ఎఫెక్ట్ పిల్లలపై తక్కువే ఉంటుందని కేంద్ర ఆరోగ్య శాఖ ప్ర‌క‌టించింది. వైరస్ బారిన పడిన చిన్నారులలో 95% మంది ఇంటివ‌ద్దే కోలుకుంటారని చెప్పింది. వీరిలో చాలా మందిలో లక్షణాలు కనిపించకపోవడమో, చాలా తక్కువ స్థాయిలో కనిపించడమో జరుగుతుందని వివరించింది. ఇలాంటి కేసులకు ఇంట్లోనే ట్రీట్మెంట్అందిస్తే సరిపోతుందని తెలిపింది.
Read More: Corona: షాక్ః కరోనా టీకా డోసుల మ‌ధ్య గ్యాప్ ప్ర‌మాద‌క‌ర‌మ‌ట…
కేంద్రం ఏం చెప్తోందంటే…
కోవిడ్ సోకిన పిల్లల ఐసోలేషన్‌, ట్రీట్‌‌మెంట్‌, పోస్ట్ కోవిడ్ కేర్‌, హాస్పిటల్ ప్రిపరేషన్‌‌పై కేంద్ర ఆరోగ్య శాఖ గైడ్‌‌లైన్స్ రిలీజ్ చేసింది. రాష్ట్రాలు లాక్డౌన్ను ఎత్తివేస్తుండ‌టం స్కూళ్లు, కాలేజీలు తెరుచుకోవడం వల్ల పిల్లల్లో కరోనా కేసులు పెరగొచ్చని పేర్కొంది. ఫస్ట్ వేవ్‌, సెకండ్‌ వేవ్‌‌లో 88% పెద్దవాళ్లు, 12% మంది పిల్లలు వైరస్ బారిన పడ్డారని.. థర్డ్ వేవ్‌‌లో ఈ లెక్కలో మార్పు రావొచ్చని తెలిపింది. తొలి రెండు వేవ్స్‌‌లో కోవిడ్ బారిన పడ్డ పిల్లల్లో 2% నుంచి 3% మంది మాత్రమే హాస్పిటళ్లలో చేరారని, థర్డ్ వేవ్‌‌లో ఇది 5% దాకా ఉండొచ్చని పేర్కొంది. ఇక, హాస్పిటళ్లలో చేరిన పిల్లల్లో 40% మందికి ఐసీయూ అవసరం పడొచ్చని చెబుతూ.. దీనికి తగ్గట్లుగా ఏర్పాట్లు చేసుకోవాలని రాష్ట్రాలకు సూచించింది.
Read More: corona: కరోనా వ్యాక్సిన్ వేసుకుంటే మీకు ఎన్ని డిస్కౌంట్లు, ఆఫ‌ర్లు వ‌స్తాయో తెలుసా?
పిల్లల్లో లక్షణాలు ఇవి…
కోవిడ్ సోకిన పిల్లల్లో కనిపించే లక్షణాలు జ్వరం, దగ్గు, జలుబు, శ్వాస సమస్య, గొంతు నొప్పి, డయేరియా, వాంతులు, అలసట, కండరాల నొప్పులు ఎక్కువగా వస్తాయి. ఈ లక్షణాల తీవ్రతను బట్టి మైల్డ్, మోడరేట్, సివియర్ డిసీజ్‌‌గా విభజించి, అవసరమైన హాస్పిటల్‌‌కు పంపించాలి. పిల్లలకు సింప్టమ్స్ వస్తే వెంటనే టెస్టు చేయించాలి. పిల్లలున్న ఇంట్లో పెద్దవాళ్లకు కరోనా వస్తే, లక్షణాలు లేకున్నా పిల్లలకు టెస్ట్ చేపించాలి. పిల్లల్లో పోస్ట్ కోవిడ్ కాంప్లికేషన్స్ ఎక్కువగా ఉండొచ్చు. హాస్పిటల్ నుంచి డిశ్చార్జ్ అయ్యేటప్పుడు పిల్లల తల్లిదండ్రులకు పల్స్ ఆక్సిమీటర్ ఇచ్చి పంపాలి. వెంటనే స్పందించేలా కాల్‌ సెంటర్ వ్యవస్థ ఏర్పాటు చేయాలి. తల్లిదండ్రులకు ఎమర్జన్సీ కాంటాక్ట్ నంబర్ ఇవ్వాలి.పిల్లల కరోనా ట్రీట్‌‌మెంట్‌‌లో ఐవర్‌‌‌‌మెక్టిన్‌, హైడ్రాక్సిక్లోరోక్విన్, ఫావిపిరవిర్‌, డాక్సిసైక్లిన్‌, అజిత్రోమైసిన్‌ వాడొద్దని ఆదేశించింది. ఈ మందుల ప్రయోగాలు పిల్లలపై జరగలేదని, అందువల్ల వాటిని ఉపయోగించడం కరెక్ట్ కాదని పేర్కొంది.
