Corona Virus: కరోనా బాధితులకు ఊరటగా కేంద్రం కీలక ఆదేశాలు

Share

Corona Virus: ప్రస్తుతం దేశంలో కరోనా సెకండ్ వేవ్ ఉదృతి కొనసాగుతోంది. లక్షలాది కేసులు నిత్యం నమోదు అవుతున్నాయి. వేల సంఖ్యలో మృతి చెందుతున్నారు. అయితే దగ్గు, జలుబు, తలనొప్పి లక్షణాలు ఉన్న వారు కోవిడ్ పరీక్షలు చేయించున్నా అ రిపోర్టు రావడానికి రెండు మూడు రోజులు సమయం పడుతోంది. దీంతో వారు ఎటువంటి ట్రీట్ మెంట్ తీసుకోకపోవడం వల్ల రిపోర్టు వచ్చే సమయానికి వారిలో వ్యాధి ముదురుతొంది. కొందరు కోవిడ్ కేంద్రాలకు, ఆసుపత్రులకు వెళ్లినా కరోనా పాజిటివ్ రిపోర్టు రాలేదన్న కారణంతో చేర్చుకుని ఆ విధమైన ట్రీట్ మెంట్ ఇవ్వడం లేదు. దీంతో రిపోర్టు వచ్చే సమయానికి వీరి నుండి మరి కొందరికి సంక్రమించడంతో పాటు వీరి ఆరోగ్య పరిస్థితి విషమించే పరిస్థితులు నెలకొంటున్నాయి. ఈ నేపథ్యంలో కోవిడ్ చికిత్సలో కేంద్ర కీలక నిర్ణయాలు తీసుకున్నది. ఆర్ టీ పీసీఆర్ పరీక్ష పాజిటివ్ నివేదిక వస్తేనే కానీ చేర్చుకునేది లేదంటున్న ఆసుపత్రులకు కేేంద్రం స్పష్టమైన ఆదేశాలు జారీ చేసింది. చికిత్స ప్రారంభంలో జాప్యం వల్ల జరుగుతున్న ప్రాణ నష్టాన్ని నివారించేందుకు చర్యలు చేపట్టింది.

Coronavirus central new guidelines for corona patients treatment
Coronavirus central new guidelines for corona patients treatment

కేంద్ర ఆరోగ్య కుటుంబ సంక్షేమ శాఖ ఆధ్వర్యంలో ఐసీఎంఆర్ సంచాలకులు బలరాం బార్గవ, ఢిల్లీ ఎయిమ్స్ సంచాలకులు రణదీప్ గులేరియా తదితర ముఖ్యమైన వైద్య నిపుణులతో వీడియో కాన్ఫరెన్స్ ద్వారా బుధవారం సమీక్ష నిర్వహించారు. కోవిడ్ చికిత్సలో జాప్యం జరగకుండా త్వరితగతిన బాధితులకు వైద్యసేవలు ప్రారంభించడంపై ఈ సమావేశంలో చర్చించారు. కోవిడ్ బాధితుల చికిత్సలో ఇప్పుడు అనుసరిస్తున్న విధానాలను సవరిస్తూ సూతన మార్గదర్శకాలను విడుదల చేశారు. ఇక పై వైద్యనిపుణులు ఈ సూచనలు పాటించాలని ఆదేశాలు జారీ చేశారు.

Corona Virus: కొత్త మార్గదర్శకాలు ఇవే

  • ఎవరికైనా కోవిడ్ లక్షణాలు కనిపిస్తే నిర్ధారణ పరీక్షా ఫలితాల కోసం వేచి చూడకుండా వెంటనే చికిత్స ప్రారంభించాలి
  • ఇళ్ల వద్ద చికిత్స పొందుతున్న బాదితుల ఆరోగ్య పరిస్థితులను ఎప్పటికప్పుడు పరీక్షించాలి. పరిస్థితి విషమిస్తున్నట్లు గుర్తిస్తే వెంటనే సమీపంలోని ఆసుపత్రికి తరలించి వైద్యసేవలు అందించాలి.
  • ఆర్టీపీసీఆర్ టెస్ట్ లో నెగిటివ్ అని రిపోర్టు వచ్చినా బాధితుల్లో లక్షణాలు కనిపిస్తుంటే కోవిడ్ గానే భావించి చికిత్స అందించాలి
  • ఇళ్ల వద్ద బాధితులకు చికిత్స అందిస్తున్నా జ్వరం తగ్గకుండా అలానే వస్తుంటే శ్వాస తీసుకోవడం కష్టమవుతున్నట్లుగా గుర్తిస్తే వారికి స్టెరాయిడ్ ఔషద చికిత్స అందించాలి.

Share

Related posts

ఉప్పాడ తీరంలో సముద్రం అల్లకల్లోలం

Siva Prasad

Gali Sampath : క్యాష్ షోలో గాలి సంపత్ సందడి?

Varun G

టీవీ9 ఊహించని పతనం.! షేర్ల ఢమాల్..!! రీ ఎంట్రీకి రవి ప్రకాష్ స్కెచ్.!!

Srinivas Manem