Extramarital Affair: సాంకేతిక పరిజ్ఞానాన్ని కొందరు మంచికి ఉపయోగించుకుంటుండగా మరి కొందరు నేరాలు చేయడానికి ఉపయోగించుకుంటున్నారు. ఇటీవల ఓ మహిళ వివాహేతర సంబంధానికి అడ్డు వస్తున్నాడని తన భర్తను హత్య చేయాలని నిర్ణయించుకున్నది. అయితే హత్య చేయడం ఆమెకు కొత్త కదా, దానిలో అనుభవం లేదు కదా. అందుకుని ఒక రోజంతా గుగుల్ లో హత్య ఎలా చేయాలి, మృతదేహాన్ని ఎలా వదిలించుకోవాలి, ఎవరి కంటా పడకుండా పాతేయడం, అధారాలు దొరక్కుండా తప్పించుకోవడం ఎలా అనే విషయాల గురించి సెర్చ్ చేసింది. పోలీసు దర్యాప్తులో ఈ విషయాలు వెల్లడి కావడంతో ఆమె హత్య చేసిందని దృవీకరణకు వచ్చారు.
విషయంలోకి వెళితే.. హద్రా జిల్లా భేడిపూర్ ప్రాంతానికి చెందిన అమీర్ అనే వ్యక్తి ఆర్థిక ఇబ్బందుల కారణంగా మహారాష్ట్రలోని ఓ కంపెనీలో పని చేస్తున్నాడు. భర్త దూరంగా ఉండటంతో అమీర్ భార్య టబస్సుమ్ అదే ఏరియాలో ఉంటున్న మరో వ్యక్తితో సంబంధం పెట్టుకుంది. అయితే కరోనా లాక్ డౌన్ కారణంగా పని లేకపోవడంతో అమీర్ ఇంటికి వచ్చేశాడు. ఆమె భర్త ఇంటి వద్దనే ఉంటుండటంతో తబుస్సుమ్ కు ఇబ్బందిగా చాలా ఇబ్బందిగా మారింది. ప్రియుడితో వివాహేతర సంబంధం కొనసాగించలేకపోతున్నది. దీంతో భర్తను అడ్డుతప్పించుకోవాలని ప్లాన్ సిద్ధం చేసింది. అయితే అది అమలు చేయడం కోసం గుగుల్ లో సర్చ్ చేసింది. ప్రియుడి సహకారంతో భర్తను చంపాలని నిర్ణయించుకున్నది. ఈ ప్లాన్ లో భాగంగా భర్త రోజు వాడే ఆస్తమా మందులను మార్చేసింది. వాటి స్థానంలో నకిలీ మందులు పెట్టింది. దీంతో ఆ మందులు వేసుకున్న అమీర్ సోయి లేకుండా పడిపోయాడు. అప్పుడు ప్రియుడు ఇర్ఫాన్ ను ఇంటికి పిలిపించుకుని అమీర్ కాళ్లు చేతులు కట్టేసి సుత్తితో తలమీద బాది చంపేసింది.
అనంతరం తన భర్తను ఎవరో హత్య చేసి పరారైయ్యారని ఆమె పోలీసులకు ఫిర్యాదు చేసింది. పోలీసులు ఘటనా స్థలాన్ని పరిశీలించి ఇంటిని దోచుకోవడానికి వచ్చిన నిందితులు ఈ హత్య చేసి ఉంటారని భావించారు. అయితే టబస్సుమ్ వ్యవహార శైలి కొంత అనుమానంగా ఉండటంతో పోలీసులు సైబర్ సెల్ సహాయం తీసుకున్నారు. సైబర్ సెల్ నుండి టబస్సుమ్ కాల్ డేటా తెప్పించుకోవడంతో పాటు ఆమె సెల్ ఫోన్ ను స్వాధీనం చేసుకుని గుగుల్ హిస్టరీ చూసి అవాక్కయ్యారు. ఆ తరువాత పోలీసులు తమ స్టైల్ లో ఆమె విచారించగా నేరాన్ని అంగీకరించింది. నిందితురాలితో వివాహేతర సంబంధం కొనసాగిస్తున్న వ్యక్తితో కలిసి ఆమె ఈ హత్య చేసినట్లు వెల్లడి కావడంతో ఇద్దరినీ పోలీసులు అరెస్టు చేశారు. ఈ దారణ ఘటనపై అక్కడి టీవీ ఛానల్స్ డీబేట్ లు నిర్వహించడంతో నేరాలు చేసే వారు గుగుల్ ను ఇలా కూడా వాడుకుంటున్నారని అర్థం అయ్యింది.