Heroine Chandni Complaint Effect: సినీ నటి చాందిని ఫిర్యాదుతో అజ్ఞాతంలోకి వెళ్లిన తమిళనాడు మాజీ మంత్రి, ఏఐఎడీఎంకె నేత మణికందన్ ను బెంగళూరులో చెన్నై పోలీసులు అరెస్టు చేశారు. తనతో మాజీ మంత్రి మణికందన్ ప్రేమాయణం నడిపి పెళ్లి చేసుకుంటానని మోసం చేశారని ఇటీవల సినీనటి చాందిని తీవ్ర ఆరోపణలు చేస్తూ పోలీసులకు ఫిర్యాదు చేసిన సంగతి తెలిసిందే. చాందిని ఆరోపణలను మణికందన్ కొట్టిపారేశారు. నటి చాందిని వెనుక పెద్ద పెద్ద వ్యక్తుల ఉన్నారనీ, మూడు కోట్లు ఇవ్వకుంటే మీ మీద కేసులు పెడతామని నన్ను బ్లాక్ మెయిల్ చేశారనీ, డబ్బులు ఇవ్వలేదని ఇలాంటి ఆరోపణలు చేస్తున్నారని ఇటీవల మణికందన్ ఆరోపించారు.
Read More: heroine chandini: మాజీ మంత్రి పై ఓ సినీ నటి సంచలన ఆరోపణలు..తమిళనాట హాట్ టాపిక్ ఇదే..
అయితే చాందిని కేసు పెట్టిన తరువాత అరెస్టు నుండి తప్పించుకునేందుకు మణికందన్ అజ్ఞాతంలోకి వెళ్లిపోయారు. మాజీ మంత్రి మణికందన్ ను అరెస్టు చేసేందుకు చెన్నై పోలీసులు ప్రయత్నిస్తున్న తరుణంలో ముందస్తు బెయిల్ కోసం చెన్నై కోర్టును మణికందన్ ఆశ్రయించారు. మణికందన్, చాందిని సంసారం చేసినట్లు ఎక్కడా సాక్షాలు లేవని, ఆమెకు ఇంతకు ముందు అబార్షన్లు కాలేదనీ, మాజీ మంత్రి మణికందన్ కు బెయిల్ మంజూరు చేయాలని ఆయన తరపు న్యాయవాదులు హైకోర్టును కోరారు.
అయితే చాందిని తరపు న్యాయవాది వారి వాదనలపై అభ్యంతరం వ్యక్తం చేశారు. మణికందన్, చాందిని కలిసి తిరిగారనీ, కాపురం చేశారని అందుకు సాక్షాలను పోలీసులకు ఇచ్చామని, అతనికి బెయిల్ మంజూరు చేస్తే సాక్షులను బెదిరిస్తారని, బెయిల్ ఇవ్వవద్దని కోర్టును కోరారు. కేసు విచారణలో ఉందనీ, మణికందన్ కు బెయిల్ ఇవ్వవద్దని పోలీసుల తరపున న్యాయవాది కోర్టుకు విన్నవించారు. ఇరుపక్షాల వాదనలు విన్న చెన్నై కోర్టు..మణికందన్ కు బెయిల్ ఇవ్వడానికి నిరాకరించింది.
కాగా మణికందన్ ఆచూకీ కోసం పోలీసులు చెన్నై, మధురై జిల్లాలో గాలించారు. చివరకు బెంగళూరులో ఉన్నట్లు తెలుసుకుని అక్కడకు వెళ్లి అదుపులోకి తీసుకున్నారు.
Former AIADMK minister M Manikandan arrested in Bengaluru by Chennai City Police for allegedly raping a Malaysian woman, causing miscarriage as well as for criminal intimidation. He was evading arrest after Madras High Court had refused him anticipatory bail: Tamil Nadu Police
— ANI (@ANI) June 20, 2021