BanDrishtiIAS: ఢిల్లీలో ద్రిష్టి అనే ఐఏఎస్ కోచింగ్ సెంటర్…UPSC ఇంకా అనేక కాంపిటేటివ్ పరీక్షలకు కోచింగ్ ఇవ్వటంలో మంచి పాపులర్. అటువంటి కోచింగ్ సెంటర్ లో హిందువులు అతి పవిత్రంగా ఆరాధించే శ్రీరాముడు మరియు సీత లపై ద్రిష్టి ఐఏఎస్ కోచింగ్ సెంటర్ మేనేజింగ్ డైరెక్టర్ వికాస్ దివ్య కీర్తి అనుచిత వ్యాఖ్యలు చేయడం జరిగింది. దీంతో ఈ కోచింగ్ సెంటర్ మూసివేయాలని నెటిజెన్ లు సోషల్ మీడియాలో డిమాండ్ చేస్తున్నారు. హిందూ దేవతలను కించపరుస్తూ ఆయన కోచింగ్ సెంటర్ లో విద్యార్థులకు బోధనలు చేస్తూ ఉన్న వీడియో ఇటీవల సోషల్ మీడియాలో బయటపడింది. సదరు వీడియోలో సంస్కృతం, ఇతిహాసం ఇంకా రామాయణం గురించి మాట్లాడుతున్నప్పుడు ఈ కామెంట్లు చేయడం జరిగింది. సదరు వీడియోలో హిందువులు అత్యంత భక్తిగా ఆరాధించే సీతను. . “కుక్క ద్వారా కలుషితమైన నెయ్యి”తో పోల్చారు. ఈ వీడియో గురువారం సోషల్ మీడియాలో బయటపడటం జరిగింది.
దీంతో దేశవ్యాప్తంగా పెద్ద ఎత్తున ఢిల్లీలో ఈ ద్రిష్టి ఐఏఎస్ పేరుతో ఉన్న UPSC ట్యుటరింగ్ సెంటర్…నీ మూసివేయాలని నెటిజెన్ లు డిమాండ్ చేస్తూ సోషల్ మీడియాలో మండిపడుతున్నారు. సీతను విమర్శించి తమ మనోభావాలను దెబ్బతీశారు అంటూ..#BanDrishtiIAS అనే హ్యశ్ ట్యాగ్ ట్రెండ్ చేస్తున్నారు. గురు రూపంలో ఉన్న ఈ రావణుడు మాట్లాడిన వీడియోని మీ పిల్లలకు చూపించవద్దు అంటూ మరికొందరు మేనేజింగ్ డైరెక్టర్ వికాస్ దివ్య కీర్తి వ్యాఖ్యలపై మండిపడుతున్నారు.
ఒకవేళ పిల్లలకు చూపిస్తే నమ్ముకున్న ధర్మానికి వ్యతిరేకంగా వాళ్ళు మారే అవకాశం ఉందని అంటున్నారు. ఎవరి బుర్రనైనా ఇట్టే మార్చగలిగే వ్యక్తి ఇతను అంటూ కామెంట్లు చేస్తున్నార. కేంద్ర, రాష్ట్ర ప్రభుత్వాలు వెంటనే ఈ కోచింగ్ సెంటర్ పై చర్యలు తీసుకోవాలని..హిందువుల దేవతలను కించపరిచిన ఈ కోచింగ్ సెంటర్ ని మూసేయాలని డిమాండ్ చేస్తున్నారు.