Pearls Harvest: మనకు పకృతి ప్రసాదించిన నవరత్నాలలో ఒకటి ముత్యం అన్నది ప్రతి ఒక్కరికీ తెలుసు. ముత్యపు చిప్పలల నుండి ఈ ముత్యాలు తయారవుతాయి. మహిళలు తమ ఆభరణాలలో ముత్యాలను అలంకరణకు వాడతారు. ముత్యాల ఆభరణాలను ఎక్కువ మంది ఇష్టపడతారు. చైనా, జపాన్, మయన్మార్ దేశాలలో ముత్యాల సాగు పెద్ద వ్యాపారంగా నడుస్తుంది. సాధారణంగా ముత్యాలు నదులు, సముద్రాలు, చెరువుల్లో దొరికుతాయని తెలుసు కానీ కేరళలోని ఓ రైతు తన పెరట్లోనే ముత్యాల సాగు చేస్తూ అందరినీ ఆశ్చర్యానికి గురి చేస్తున్నాడు. తన ఇంట్లోనే ముత్యాల సాగు చేస్తూ ఆయన మంచి పేరు గణించాడు.
కేరళకు చెందిన మతాచన్ సాధారణ రైతు కుటుంబంలో జన్మించాడు. ఉన్నత చదువులు పూర్తి చేసి సౌదీ అరేబియాలోని ధారన్ లోగ కింగ్ ఫాధ్ పెట్రోలియం అండ్ మినిరల్ యూనివర్శిటీలో టెలికమ్యూనికేషన్ లో ప్రొఫెసర్ గా పని చేశారు. ఆ సమయంలో యూనివర్శిటీ పని మీద చైనాకు వెళ్లాల్సి వచ్చింది. చైనాలోని ధనుష్షీ ఫిషరీస్ రీసర్చి సెంటర్ లో పలు కోర్సులు నేర్చుకోవాలన్న ఆసక్తితో ఆయన ముత్యాల సాగులో డిప్లొమా కోర్సు పూర్తి చేశాడు. ఈ తరహ విద్య ఒకటి ఉందని మన దేశంలో చాలా మందికి తెలియదు. భారత్ లో కొద్ది మంది మాత్రమే ఈ కోర్సు చదివారు.
మతాచర్ ఈ కోర్సు పూర్తి చేసిన తరువాత తన ఫ్రొఫెసర్ ఉద్యోగానికి రాజీనామా చేసి 1999లో తిరిగి కేరళకు చేరుకున్నారు. తన ఇంటి పెరట్లోనే ముత్యాల సాగు మొదలు పెట్టారు. నదులలో దొరికే ఆల్చిప్పలను తీసుకువచ్చి వాటిని 18 నెలలు బకెట్లో ఉంటి ముత్యాలను ఉత్పత్తి చేశారు. 18 నెలల కాలంలో 50 బక్కెట్ల ద్వారా ముత్యాలను ఉత్పత్తి చేయడం ద్వారా అతను రూ.4.50 లక్షలు ఆదాయంగా పొందాడు. గత రెండు దశాబ్దాలుగా మతాచన్ ముత్యాల సాగే చేస్తున్నారు. ఉత్పత్తి చేసిన ముత్యాలను ఎక్కువ భాగం ఆస్ట్రేలియా, సౌదీ అరేబియా, కువైట్, స్విట్జర్లాండ్ తదితర ప్రాంతాలకు ఎగుమతి చేస్తున్నారు. ముత్యాల సాగు కోసం మతాచన్ మొదట పెట్టుబడి లక్షన్నర మాత్రమే కాగా తను అందుకున్న లాభం మూడు లక్షలు. తొలి లాభంతో ఇక మతాచన్ వెనుతిరిగి చూడకుండా వ్యాపారాన్ని కొనసాగించి లక్షలు ఆర్జించాడు. తొలి నాళ్లలో మతాచన్ చేస్తున్న పని చేసిన పలువురు అవహేళన కూడా చేశారు. అయినా తను అదే పని కొనసాగిస్తూ అందరినీ ఆశ్చర్యానికి గురి చేశాడు.
Read More: Job alert: క్రీడాకారులకు ఐటీ శాఖలో సువర్ణ అవకాశాలు..! ధరఖాస్తు చేసుకోవడం ఇలా..!!
ఈ వ్యాపారం ద్వారా ఎక్కువ లాభాలను ఆర్జించవచ్చని తెలుసుకోవడంతో ఎక్కువ మంది యువత దీనిపై ఆశక్తి చూపుతున్నారు. దీంతో మతాచన్ స్థానిక నిరుద్యోగ యువతకు ముత్యాల సాగుపై ఆన్ లైన్ శిక్షణ ఇస్తున్నారు. ఈ శిక్షణకు రూ.10వేలు ఫీజుగా తీసుకుంటున్నారు. మంచినీటి సరస్సుల వద్ద లభించే ముత్యపు చిప్పలతో ముత్యాల సాగు చేస్తే అధిక లాభాలను ఆర్జించవచ్చని యువతకు ఆయన సూచన చేశారు.