Pragya Singh Thakur: మరో వివాదంలో ఆ మహిళా బీజేపీ ఎంపి..! కాంగ్రెస్ నేతలకు మళ్లీ చిక్కింది..!!

Pragya Singh Thakur: ఆ బీజేపీ మహిళా ఎంపి తరచు వివాదాల్లో చిక్కుకుంటున్నారు. అనాలోచితంగా ఆమె చేసే చర్యలు విమర్శలకు దారి తీస్తుంటారు. అనారోగ్య కారణాన్ని చూపి కోర్టు విచారణలకు గైర్హజరు అవుతుంటారు. అనారోగ్య సమస్యలతో ఎప్పుడూ చక్రాల కుర్చీలో కనిపించే ఆమె ఎదైనా వేడుకలు జరిగితే మహిళలతో కలిసి స్టెప్పులు వేసి ఆనందపరుస్తారు. ప్లేగ్రౌండ్ కు వెళితే క్రీడాకారులతో కలిసి ఆట ఆడి వారిని ఉత్సాహపరుస్తుంటారు. వీటిపై అక్కడి కాంగ్రెస్ నేతలు ఆమెపై సెటైర్ లు వేయడం, విమర్శలు చేయడం చేస్తుంటారు. తాజాగా ఆ ఎంపి మరో వివాదంలో చిక్కుకున్నారు. ఇంతకు ఆ ఎంపి ఎవరు అంటే…

Read More: AP CM YS Jagan: గ్రామ సచివాలయాల పనితీరును మరో సారి ప్రధాని మోడీకి వివరించిన సీఎం వైఎస్ జగన్..!!

మధ్యప్రదేశ్ లోని భోపాల్ ఎంపి ప్రజ్ఞాఠాకూర్. ఇటీవల ఆమె కరోనా వ్యాక్సిన్ తీసుకున్నారు. అయితే ఈ ప్రజా ప్రతినిధి అందరిలాగా టీకా కేంద్రానికి వెళ్లి వ్యాక్సిన్ తీసుకోలేదు. ఆరోగ్య సిబ్బంది ఎంపి గృహానికి వెళ్లి వ్యాక్సిన్ వేశారు. అయితే ఎంపి ప్రజ్ఞాఠాకూర్ ఇంటిలోనే వ్యాక్సిన్ వేయించుకున్న వీడియో ఒకటి సోషల్ మీడియాలో వైరల్ అయ్యింది. దీంతో ప్రతిపక్ష కాంగ్రెస్ విమర్శలు అందుకుంది. దీనిపై పలువురు అడిగిన ప్రశ్నకు ఆరోగ్య సిబ్బంది వివరణ ఇచ్చారు. వృద్ధులు, వికలాంగుల కోసం ఏర్పాటు చేసిన ప్రత్యేక నిబంధనల మేరకు ఆమెకు తన ఇంటి వద్దే వ్యాక్సిన్ వేసినట్లు మీడియాకు ఆరోగ్య సిబ్బంది తెలిపారు.

దీనిపై మధ్యప్రదేశ్ కాంగ్రెస్ అధికార ప్రతినిధి నరేంద్ర సులూజా ట్విట్టర్ వేదికగా ఆమెను విమర్శించారు. ఇటీవలే బాస్కెట్ బాల్ ఆడి, డ్యాన్స్  చేసి అలరించిన మన భోపాల్ ఎంపి.. ఇప్పుడు ఆరోగ్య సిబ్బందిని ఇంటిని పిలిపించుకుని టీకా వేయించుకున్నారు. ప్రధాన మంత్రి మోడీ నుండి రాష్ట్ర ముఖ్యమంత్రి శివరాజ్ సింగ్ చౌహాన్ వరకు బీజేపీ నేతలు అందరూ ఆసుపత్రికి వెళ్లే వ్యాక్సిన్ తీసుకున్నారు. మరి ఆమెకు ఎందుకు మినహాయింపు కల్పించారు అంటూ సలూజా ప్రశ్నించారు.

మాలేగావ్ పేలుళ్ల కేసులో బెయిల్ పై విడుదలైన ఎంపి ప్రజ్ఞాఠాకూర్ కోర్టు విచారణలకు గైర్హజరు అవుతున్నారు. ఆరోగ్య కారణాల దృష్ట్యా విచారణకు హజరుకాలేననీ, తనకు మినహాయింపు ఇవ్వాలని పలు మార్లు కోర్టును కోరారు. అయితే ఇటీవల ఆమె క్రీడామైదానంలో బాస్కెట్ బాల్ ఆడటం, ఓ వివాహ వేడుకలో మహిళలతో కలిసి డ్యాన్స్ స్టెప్ లు వేసిన వీడియోలు సోషల్ మీడియాలో వైరల్ అవ్వడంతో విమర్శలు వెల్లువెత్తుతున్నాయి.

अभी कुछ दिन पूर्व ही बास्केट बॉल खेल रही व ढोल की थाप पर नृत्य कर रही हमारी भोपाल की सांसद प्रज्ञा ठाकुर ने आज घर टीम बुलाकर वैक्सीन का डोज़ लगवाया ?

मोदीजी से लेकर शिवराजजी व तमाम भाजपा नेता अस्पताल में जाकर वैक्सीन लगवा कर आये लेकिन हमारी सांसदजी को यह छूट क्यों व किस आधार पर? pic.twitter.com/QYEN4eNiV2

— Narendra Saluja (@NarendraSaluja) July 14, 2021

sharma somaraju Content Editor

See Full Bio