Rajinikanth : బిగ్ బ్రేకింగ్.. తలైవాకు దాదా సాహెబ్ ఫాల్కే అవార్డు..

Rajinikanth : సూపర్ స్టార్ రజనీకాంత్ కు కేంద్రం దాదా సాహెబ్ ఫాల్కే అవార్డును ప్రకటించింది. ఈ రోజు కేంద్ర మానవ వనరుల శాఖ మంత్రి ప్రకాశ్ జవడేకర్ ఈ అవార్డు విషయాన్ని ట్విట్టర్ వేదికగా వెల్లడించారు. 2019 సంవత్సరానికి గానూ రజనీకాంత్ 51వ దాదా సాహెబ్ ఫాల్కే అవార్డు అందుకోనున్నారు. తలైవా దాదా సాహెబ్ ఫాల్కే అవార్డుకు  ఎంపిక కావడంతో అభిమానులు సంబరాలు జరుపుకుంటున్నారు. పలువురు సినీ, రాజకీయ ప్రముఖులు సోషల్ మీడియా వేదికగా తలైవాకు శుభాకాంక్షలు తెలుపుతున్నారు. ఈ సందర్భంలోనే ప్రధాన మంత్రి నరేంద్ర మోడీ తన ట్విట్టర్ ద్వారా రజనీకాంత్ కు శుభాకాంక్షలు తెలియజేశారు. వైవిద్యమైన పాత్రలలో తరతరాలుగా ప్రేక్షకులన అలరిస్తూ వస్తున్న తలైవాకు దాదా సాహెబ్ ఫాల్కే అవార్డు ప్రకటించడం సంతోషంగా ఉంది. మీకు నా అభినందనలు అంటూ మోడి ట్వీట్ చేశారు. ఏపి సీఎం వైఎస్ జగన్ కూడా రజనీకి శుభాకాంక్షలు తెలిపారు.

తమిళనాట ఎన్నికల వేళ ఓటర్లను ఆకట్టుకునేందుకు కేంద్రంలోని బీజేపీ ఈ ఎత్తుగడ వేసిందని రాజకీయ విశ్లేషకులు భావిస్తున్నాారు. తమిళనాడులో రజనీకి విపరీతమైన ఫాలోయింగ్ ఉంది. దాన్ని ఈ ఎన్నికల వేళ క్యాష్ చేసుకునేందుకు కేంద్రంలోని బీజేపీ వ్యూహాత్మకంగా రజనీకి ప్రతిష్టాత్మక దాదా సాహెబ్ ఫాల్కే అవార్డు ప్రకటన చేసిందనే మాట వినిపిస్తోంది. ప్రస్తుతం తమిళనాడు డీఎంకే, అన్నా డీఎంకే మధ్య హోరాహోరీ పోరు నడుస్తున్నది. వివిధ సంస్థల ఓపీనియన్ పోల్స్ డీఎంకేకి అనుకూలంగా వెల్లడి అవుతున్నాయి. తమిళనాడులో బీజేపీకి బలమైన నాయకత్వం, క్యాడర్ లేకపోవడంతో అన్నా డీఎంకేతో పొత్తుతో రంగంలో ఉంది. బీజేపీ ఎత్తుగడ ఫలిస్తుందో లేదో వేచి చూడాలి.

Happy to announce #Dadasaheb Phalke award for 2019 to one of the greatest actors in history of Indian cinema Rajnikant ji

His contribution as actor, producer and screenwriter has been iconic

I thank Jury @ashabhosle @SubhashGhai1 @Mohanlal@Shankar_Live #BiswajeetChatterjee pic.twitter.com/b17qv6D6BP

— Prakash Javadekar (@PrakashJavdekar) April 1, 2021

Popular across generations, a body of work few can boast of, diverse roles and an endearing personality…that’s Shri @rajinikanth Ji for you.

It is a matter of immense joy that Thalaiva has been conferred with the Dadasaheb Phalke Award. Congratulations to him.

— Narendra Modi (@narendramodi) April 1, 2021

sharma somaraju Content Editor

See Full Bio