Revanth Reddy: తెలంగాణ పీసీసీ ర‌థ‌సార‌థిగా మ‌ల్కాజ్ గిరి ఎంపీ రేవంత్ రెడ్డి ఇటీవ‌లే నియ‌మితులైన సంగ‌తి తెలిసిందే. ఈ యువ‌నేత వ‌లే పంజాబ్‌ కాంగ్రెస్ కొత్త చీఫ్‌గా మాజీ క్రికెట‌ర్ నవజోత్ సింగ్ సిద్ధూకు చాన్స్ దొరికింది. నేడు సిద్దూ బాధ్యతలు స్వీకరించనున్నారు. ఈ కార్యక్రమానికి హాజరుకావాలని సీఎం అమరీందర్‌ సింగ్‌ను ఆయన ఆహ్వానించారు. 65 మంది ఎమ్మెల్యేల సంతకాలతో కూడిన ఆహ్వాన పత్రాన్ని సీఎంకు పంపారు. పంజాబ్‌ కాంగ్రెస్ ఇంచార్జి హరీశ్‌ రావత్‌న్‌ కూడా ఈ కార్యక్రమానికి సిద్ధూ ఆహ్వానించారు. ఈ ఎపిసోడ్ ఆస‌క్తిక‌రంగా మారింది.
Read More : Revanth Reddy: రేవంత్ లాగానే ఇంకో రాష్ట్రంలో యువ‌నేత‌కు చాన్స్.. సీనియ‌ర్ల‌కు షాక్
కాంగ్రెస్ లో రంజుగా రాజకీయం
పంజాబ్‌లో కాంగ్రెస్ రెండు వ‌ర్గాలుగా చీలిపోయింది. సీఎం అమరేందర్‌ సింగ్ ఓ వ‌ర్గం కాగా, క్రికెట‌ర్ నవజోత్ సింగ్ సిద్దూ మరో వ‌ర్గం. పంజాబ్‌లో మొత్తం 77 మంది కాంగ్రెస్ ఎమ్మెల్యేలున్నారు. ఇందులో 65 మంది సిద్ధూకు మద్దతుగా ఉన్నారు. అయితే అమృత్‌సర్‌లోని తన నివాసంలో సిద్ధూ బుధవారం నిర్వహించిన అల్పాహార సమావేశానికి 62 మంది కాంగ్రెస్ ఎమ్మెల్యేలు హాజరయ్యారు. ఈ నేపథ్యంలో సిద్ధూ బలం 62, సీఎం అమరీందర్‌ సింగ్ బలం 15 అంటూ చ‌ర్చ జ‌రుగుతోంది. అల్పాహారం సమావేశం అనంతరం కాంగ్రెస్ ఎమ్మెల్యేలతో కలిసి స్వర్ణ దేవాలయంతోపాటు పలు ఆధ్యాత్మిక ప్రాంతాలను సందర్శించారు.
Read More: Revanth Reddy: కాంగ్రెస్‌లో శ‌త్రువుల‌ను పెంచుకుంటున్న రేవంత్ రెడ్డి
ఎమ్మెల్యేలతో బ‌ల ప్ర‌ద‌ర్శ‌న
తనకు మద్దతిచ్చిన 62 మంది కాంగ్రెస్ ఎమ్మెల్యేలతో అమృత్‌సర్‌లోని తన నివాసంలో సిద్ధూ అల్పాహార సమావేశం ఏర్పాటు చేశారు. అనంతరం తన పార్టీలోనే ఉన్న ప్ర‌త్య‌ర్థికి తన బ‌లాన్ని పేర్కొంటూ లేఖ పంపారు. ఈ సందేశంతో తన బలం ఏంటో రుచి చూపించారు. దీనికి భిన్నంగా రేవంత్ ఎపిసోడ్ జ‌రిగింద‌ని ప‌లువురు అంటున్నారు. సీనియ‌ర్ల‌ను క‌లుపుకొని పోయేలా రేవంత్ ఎపిసోడ్ జ‌రిగింద‌ని పేర్కొంటున్నారు.
