21.2 C
Hyderabad
December 8, 2022
NewsOrbit
జాతీయం న్యూస్ రాజ‌కీయాలు

కేంద్రానికి సుప్రీం కోర్టు ఊహించని షాక్ .. ఎన్నికల సంఘం కమిషనర్ల నియామకాలపై సంచలన వ్యాఖ్యలు

Share

కేంద్ర ఎన్నికల సంఘంలో సభ్యుల నియామకాల విషయంలో సుప్రీం కోర్టు కేంద్రానికి ఊహించని షాక్ ఇచ్చింది. ఎన్నికల సంఘం సభ్యుల నియామకాల తీరుపై అసహనం వ్యక్తం చేసిన సుప్రీం ధర్మాసనం సంచలన వ్యాఖ్యలు చేసింది. ఎన్నికల సంఘం కమిషనర్ల నియామకం కోసం కోలీజియం లాంటి వ్యవస్థ ను ఏర్పాటు చేయాలని కోరతూ దాఖలైన ప్రజా ప్రయోజన వ్యాజ్యంపై జస్టిస్ కేఎం జోసఫ్ నేతృత్వంలోని అయిదుగురు సభ్యులతో కూడిన రాజ్యాంగ ధర్మాసనం విచారణ జరుపుతోంది. ఈ సందర్భంగా బుధవారం కీలక ఆదేశాలు జారీ చేసింది. నవంబర్ 19న పదవీ విరమణ అయిన బ్యూరోక్రాట్ అరుణ్ గోయల్ ను కేంద్ర ఎన్నికల కమిషనర్ గా నియమించడంపై పలు సందేహాలను వ్యక్తం చేసింది. ఆయన నియామకానికి సంబంధించి దస్త్రాలను తమకు సమర్పించాలని సుప్రీం కోర్టు రాజ్యాంగ ధర్మాసనం కేంద్రాన్ని ఆదేశించింది.

Supreme Court

 

స్వచ్చంద పదవీ విరమణ ఇచ్చిన వెంటనే ఆయన (అరుణ్ గోయల్)ను ఎన్నికల విభాగానికి కమిషనర్ గా నియమించడంపై కేంద్రాన్ని ప్రశ్నించింది. గురువారం వరకూ సెక్రటరీ లెవల్ ఆఫీసర్ గా అరుణ్ గోయల్ ఉన్నారనీ, శుక్రవారం ఆయన వీఆర్ఎస్ తీసుకోగా, ఆ వెంటనే ఆయనను ఎన్నికల కమిషనర్ నియమించారని ప్రభుత్వ న్యాయవాది ప్రశాంత్ భూషణ్ రాజ్యాంగ ధర్మాసనానికి వివరించారు. ఒక వేళ ఈసీగా ఆయనకు అవకాశం దక్కకపోయి ఉంటే డిసెంబర్ లో ఆయన పదవీ విరమణ అయ్యేవారిని తెలిపారు. ఈ సందర్భంలో కేంద్రం తరపున అటార్నీ జనరల్ వాదనలు వినిపిస్తూ.. కమిషనర్ నియామకం సక్రమంగా జరిగిందని చెప్పే ప్రయత్నం చేయగా ధర్మాసనం ఏజీ వాదనలను తోసిపుచ్చింది.

కేంద్రంలో అధికారంలో ఉన్న పార్టీ తమకు అనుకూలంగా ఉండే వ్యక్తిని సీఈసీగా నియమిస్తున్నదంటూ బెంచ్ సంచలన వ్యాఖ్యలు చేసింది. ఎన్నికల అధికారులు రాజకీయ పార్టీ ప్రభావం నుండి దూరంగా ఉండాలని, ప్రధాన ఎన్నికల అధికారి నియామక కమిటీలో సీజేఐను చేర్చాలని కేంద్రానికి సుప్రీం కోర్టు సూచించింది. ఎన్నికల కమిషన్ స్వతంత్రంగా పని చేయాలనీ, ప్రధాని లాంటి వ్యక్తిపై ఆరోపణలు వచ్చినా చర్యలు తీసుకునేంత పారదర్శకత కమిషన్ సభ్యుల్లో ఉండాలని పేర్కొంది. ఒక పక్క సీఈసీ, ఈసీల నియామక పిటిషన్ పై కోర్టు విచారణ జరుగుతున్నప్పుడు కమిషనర్ నియామకం జరగకుండా ఉంటే మరింత సముచితంగా ఉండేదని ధర్మాసనం వ్యాఖ్యానించింది. అరుణ్ గోయల్ నియామకానికి సంబంధించిన ఫైళ్లను రేపు కోర్టుకు సమర్పించాలని అటార్నీ జనరల్ కు ధర్మాసనం ఆదేశిస్తూ విచారణను గురువారానికి వాయిదా వేసింది.

ఎమ్మెల్యేల కొనుగోలు కేసులో బీజేపీ కీలక నేత బీఎల్ సంతోష్ అరెస్టుపై హైకోర్టు ఏమన్నదంటే..?


Share

Related posts

సుబోధ్ కుటుంబానికి 70 లక్షల సాయం

Siva Prasad

Ys Jagan Mohan Reddy : పక్కాగా ఇది జగన్ బాణమే అంటున్నారు..??

sekhar

Karthika Deepam Mar 26 Today Episode: సౌర్య డాక్టర్ సాబ్ ప్రేమలో పడిపోయిందా..? మరోపక్క సౌర్య ఆచూకీ కనిపెట్టేసిన సౌందర్య..!!

Ram