Gas Cylinder Blast: ఉత్తరప్రదేశ్ లో ఘోర దుర్ఘటన జరిగింది. గ్యాస్ సిలెండర్ పేలుడుతో ఏడుగురు దుర్మరణం పాలయ్యారు. మరో ఏడుగురు తీవ్రంగా గాయపడ్డారు. ఈ ఘటన ఉత్తరప్రదేశ్ రాష్ట్రంలోని గొండా జిల్లాలో మంగళవారం రాత్రి జరిగింది.
వజీర్ గంజ్ ప్రాంత తిక్రీ గ్రామంలో ఓ ఇంట్లో వంట చేస్తుండగా గ్యాస్ సిలెండర్ పేలింది. ఈ పేలుడు తో ఆ ఇంటితో పాటు పక్కన ఉన్న మరో ఇల్లు కుప్పకూలింది. ఘటన విషయం తెలియడంతో పోలీసులు, రెస్క్యూ టీమ్ అక్కడకు చేరుకుని శిధిలాల క్రింద ఏడుగురు మృత దేహాలను వెలికితీశారు. మరో ఏడుగురు గాయపడగా వారిని హుటాహుటిన ఆసుపత్రికి తరలించారు. గాయపడిన వారిలో నలుగురు పిల్లలు ఉన్నారు. గ్యాస్ సిలెండర్ పేలుడును ఫారెన్సిక్ బృందం పరిశీలిస్తోంది. ఎస్పీ సంతోష్ కుమార్ మిశ్రా ఘటనా స్థలానికి చేరుకుని సహాయక చర్యలను పర్యవేక్షించారు. పోలీసులు కేసు నమోదు చేసి దర్యాప్తు చేస్తున్నారు.
Gonda: Two adjacent houses collapsed after a cylinder blast at Tikri village in Wazir Ganj area last night.
"14 people have been rescue, 7 of them have been declared dead and 7 others are undergoing treatment at a hospital," said SP Santosh Kumar Mishra. pic.twitter.com/V6wGRwzilx
— ANI UP (@ANINewsUP) June 2, 2021