Ziona Chana: మిజోరాం లోని మధ్య సేర్ చిప్ జిల్లా బక్తావంగ్ త్లాంగ్ నమ్ గ్రామం ప్రపంచంలోని అతిపెద్ద కుటుంబంగా గుర్తింపు పొంది పర్యాటక ప్రాంతంగా మారింది.. జియోన చనా కు 38 మంది భార్యలు, 89 మంది పిల్లలు, 33 మంది మనవళ్ళు, మనవరాళ్ళు, కోడళ్ళను కలుపుకుంటే ఆ కుటుంబం సభ్యులు 160 మందికి పైగా ఉంటారు.. ఇంత పెద్ద కుటుంబానికి యజమాని జియోన చనా ఆదివారం కన్నుమూశారు.. జియోన చనా మృతిపై మిజోరాం ముఖ్యమంత్రి జోరంతంగా భారమైన హృదయంతో సంతాపం తెలిపారు.’ మీ కుటుంబం కారణంగానే రాష్ట్రంలో పెద్ద పర్యాటక కేంద్రంగా మీ గ్రామం ఉండేది. మీ ఆత్మకు శాంతి చేకూరాలి’ అని ట్వీట్ చేశారు..
Read More: Vaccination: టీకా వేయించుకోకపోతే ఫోన్ బ్లాక్ చేస్తారట.. ఎక్కడంటే..
1945 లో పుట్టిన జియోన చనా తన 17వ సంవత్సరంలోనే 20 ఏళ్ల యువతిని మొదటి వివాహం చేసుకున్నారు. 100 గదులు ఉన్న నాలుగు అంతస్తుల భవనంలో ఈ కుటుంబం నివసిస్తోంది. విశ్రాంతి గదులు వేరైనా అందరికీ వంటగది ఒక్కటే. జియోనా పడకగదికి దగ్గరలోని డార్మెటరీలో ఆయన భార్యలు ఉండేవారు. వీరిది పెద్దగా ఆస్తిపాస్తులున్నా కుటుంబం కాదు. కుటుంబ పోషణకు సరిపడా ఆర్థిక వనరులు ఉన్న బయటి నుంచి కూడా విరాళాలు అందేవి. ప్రపంచంలో ఇదే అతి పెద్ద కుటుంబమని మిజోరం ముఖ్యమంత్రి జోరంతంగా విశ్వసిస్తున్నారట. జియోన చనా కుటుంబం వలన బక్తావంగ్ గ్రామం పర్యాటక కేంద్రంగా మారింది.
