Twist In Wedding: మ్యారేజెస్ ఆర్ మేడిన్ హెవెన్ (వివాహాలు స్వర్గంలో నిశ్చయించబడతాయి) అంటారు పెద్దలు. అందుకే ఒక్కో సారి పీటల మీద వరకూ వచ్చి కూడా పెళ్లిళ్లు ఆగిపోతుంటాయి. ఊహించని ట్విస్ట్ లు జరుగుతుంటాయి. ఒకరితో అనుకుంటే మరొకరితో వివాహాలు జరుగుతూ ఉంటాయి. అటువంటి ఘటనే ఇటీవల బీహార్ రాష్ట్రంలోని పాట్నాలో జరిగింది.
పాలిగంజ్ సబ్ డివిజన్ లోని సియరాంపూర్ గ్రామానికి చెందిన అనిల్ కుమార్ అనే యువకుడికి అదే ప్రాంతంలోని మురార్ చక్ గ్రామానికి చెందిన కుమారి పింకీ అనే యువతితో ఈ నెల 15వ తేదీన వివాహం జరిపించేందుకు పెద్దలు నిర్ణయించారు. ఇరు కుటుంబాల పెద్దల సమక్షంలో అంతకు ముందు నిశ్చితార్ధం (ఎంగేజ్మెంట్) ఫంక్షన్ కూడా జరిగింది. పెద్దలు నిర్ణయించిన ముహూర్తానికి వివాహాం నిర్వహించేందుకు అన్ని ఏర్పాట్లు జరిగాయి. అటు వధువు, ఇటు వరుడి తాలూకు బంధువులు వివాహ మండపానికి వచ్చారు. మరి కొద్ది సేపటిలో పెళ్లి జరగాల్సి ఉండగా ఓ ట్విస్ట్ చోటుచేసుకుంది.
Read More: AP CM YS Jagan: నిరుద్యోగులకు సీఎం జగన్ గుడ్ న్యూస్..! మెరిట్ ఆధారంగానే నియామకాలు..!!
కళ్యాణ మండపానికి పోలీసులతో ఓ యువతి వచ్చి వరుడు అనిల్ కుమార్ ను నిలదీసింది. రహస్యంగా తనను వివాహం చేసుకుని సహజీవనం సాగిస్తూ ఇక్కడ మరో పెళ్లి చేసుకుంటావా? అని ప్రశ్నించింది. వాస్తవానికి అనిల్ కుమార్ ఏడాది క్రితమే ఈమెను పెద్దలకు తెలియకుండా వివాహం చేసుకుని రహస్యంగా సహజీవనం సాగిస్తున్నాడు. ఈ విషయం పెద్దలకు తెలియకపోవడంతో వివాహాన్ని నిశ్చయించారు. పెద్దలను ఎందుకు ఇబ్బంది పెట్టడం, రెండు ఫ్యామిలీలను మెయింటెన్ చేయవచ్చు అనుకున్నాడో ఏమో పెద్దలు నిర్ణయించిన పెళ్లికి ఒప్పుకుని పెళ్లి పీటల మీద కూర్చున్నాడు. అయితే పోలీసుల సహాయంతో కల్యాణ మండపంకు వచ్చిన ఆ యువతి అనిల్ కుమార్ తల్లిదండ్రులకు, వధువు తల్లిదండ్రులకు వారి ఇద్దరి రహస్య వివాహానికి సంబంధించిన ఫోటోలు అధారంగా చూపడంతో ఈ పెళ్లి ఆగిపోయింది. అయితే ఎలాగో కుమారి పింకీని కోడలుగా చేసుకోవాలనుకున్న అనిల్ కుమార్ తల్లిదండ్రులు తమ రెండవ కుమారుడితో పెళ్లి జరిపిస్తామని వధువు తల్లిదండ్రులకు చెప్పడంతో వారూ అంగీకరించారు. దీంతో మరుసటి రోజే వరుడి తమ్ముడితో పింకీ వివాహాన్ని పెద్దలు జరిపించారు. చూశారుగా ఇదీ ట్విస్ట్.