Credit Card Rewards: సంపాదించాలన్న మనసుంటే ఎన్నో మార్గాలు ఉంటాయి అని నిరూపించాడు అమెరికాకు చెందిన ఓ యువకుడు. కొందరు బెట్టింగ్ ల ద్వారా సంపాదిస్తారు. మరి కొందరు షేర్ మార్కెట్ ద్వారా డబ్బులు సంపాదిస్తారు. కొందరు లాటరీలు ఇలా ఎన్నో ఎన్నెన్నో చేస్తూ డబ్బులు సంపాదిస్తుంటారు. అయితే అమెరికాకు చెందిన ఓ భౌతిక శాస్తవేత్త ఆన్ లైన్ ద్వారా వస్తువుల కొనుగోలు చేస్తూ రివార్డు పాయింట్స్ తో కోట్లకు పడగలెత్తాడు. క్రెడిట్ కార్డులు, డెబిట్ కార్డుల ద్వారా నిర్వహించే కొనుగోళ్లకు రివార్డు పాయింట్ లు వస్తాయనేది అందరికీ తెలిసిందే. ఈ రివార్డు పాయింట్స్ తో అతను కరోడ్పతి అయ్యాడు. ఏకంగా 3లక్షల డాలర్లు (దాదాపు రూ.2.17కోట్లు) సంపాదించాడు. అదేలానో ఇప్పుడు చూద్దాం..
కొనస్టాంటిన్ అనికీవ్ అనే ఆర్థిక శాస్త్రవేత్త క్రెడిట్, డెబిట్ కార్డుల ద్వారా సంపాదించే మార్గాన్ని ఎంచుకున్నాడు. 2009 నుండి అతను క్రెడిట్ కార్డులను ఉపయోగించి పెద్ద ఎత్తున గిఫ్ట్ కార్డులు కొనుగోలు చేయడం, ఆ తరువాత వాటిని సొమ్ము చేసుకునే వాడు. ఆ సొమ్మును తన బ్యాంకు ఖాతాలో డిపాజిట్ చేసి క్రెడిట్ కార్డు బిల్లు చెల్లించే వాడు. రివార్డు పాయింట్ల ద్వారా వచ్చే సొమ్ము అతనికి మిగిలిపోయేది.
Read More: Vaccine: వాక్సిన్ లపై విస్తుగొలిపే నిజాలు బయటకు..!?
సాధారణంగా 500 డాలర్ల గిఫ్ట్ కార్డు కొంటే 5 శాతం చొప్పున 25 డాలర్లు వచ్చేవి. గిఫ్ట్ కార్డు ను సొమ్ము చేసుకోవాలంటే 6 డాలర్లు చెల్లించాలి. మిగిలిన 19 డాలర్లు లాభంగా మిగులుతుంది. ఇలా అతను కోటేశ్వరుడు కావడంతో కొందరు ఆతని ఆదాయంపై అమెరికా పన్నుల శాఖకు ఫిర్యాదు చేశారు. దీనిపై విచారణ జరిపిన ఆదాయపన్ను శాఖ అధికారులు అతని సంపాదన నిజమేనని తేలడంతో అక్రమాస్తుల కింద నోటీసు ఇచ్చారు.
ఈ కేసు కోర్టుకు చేరడంతో అనికీవ్ తాను అక్రమ మార్గంలో సంపాదించలేదని సమర్థించుకున్నాడు. ఇరుపక్షాల వాదనలు విన్న కోర్టు అతనికి షాకింగ్ విషయాన్ని వెల్లడించింది. గిఫ్ట్ కార్డులు ఆస్తుల వంటివేనని తెలిపింది. వచ్చిన క్రెటిట్ కార్డు రివార్డులకు పన్నులు ఉండవని చెబుతూనే గిఫ్ట్ కార్డులను నగదుగా మార్చుకోవడం అంటే ఆస్తిని తిరిగి విక్రయించడమేనని చెప్పింది. దీనికి వచ్చిన ఆదాయంపై పన్ను చెల్లించాల్సిందేనని కోర్టు ఆదేశాలు జారీ చేసింది.