Viral Video: కారును భూమి మింగేసింది..! అదెలానో చూడండి..!!

Viral Video: సాధారణంగా వర్షాలు, భారీ వరదలు వచ్చినప్పుడు కార్లు, ఇతర వాహనాలు కొట్టుకుపోవడం అక్కడక్కడా చూస్తూనే ఉంటాం.   కానీ ఇక్కడ ఓ చిత్రమైన ఘటన చోటుచేసుకుంది. పార్కింగ్ ఏరియాలో నిలిపి ఉంచిన ఓ కారు ఎవరూ ఊహించని విధంగా భూమిలోకి వెళ్లిపోయింది. ఈ ఘటన ముంబాయిలోని ఘట్కోపర్ ప్రాంతంలో జరగ్గా అది మొత్తం అక్కడ ఉన్న సీసీ కెమెరాలో రికార్డు అయ్యింది. ఆ వీడియో సోషల్ మీడియాలో వైరల్ అయ్యింది. కారు భూమిలోకి వెళుతున్న దృశ్యం చూస్తే అవాక్కు అవ్వడం ఖాయం.

వివరాల్లోకి వెళితే..గత కొద్ది రోజులుగా ముంబాయి నగరాన్ని భారీ వర్షాలు అతలాకుతలం చేస్తున్నాయి. వర్షాల కారణంగా పలు ప్రదేశాలలో నీరు నిలిచి చిన్న సైజు జలాశయాలను తలపిస్తున్నాయి. ఈ క్రమంలో ఘట్కోపర్ ప్రాంతంలోని వాహనాల పార్కింగ్ ఏరియాలో కార్లు నిలిపి ఉంచిన ప్రదేశంలో ఒక్కసారిగా భూమి కుంగిపోయింది. దీంతో అక్కడ నిలిచి ఉన్న కారు ఆ గుంతలోకి జారిపోయింది. కారు కుంగిన భూమిలో నీరు ఉబికి రాగా ఆ నీటిలో కారు పూర్తిగా మునిగిపోయింది. ఈ కారుకు అటు ఇటు కార్లు యథాతధంగా ఉండగా.. ఈ ఒక్క కారు మాత్రం అనూహ్యంగా భూమి నోరు తెరిచి లాక్కున్నట్లుగా వెళ్లిపోయింది. అయితే ఈ ఘటన జరిగినప్పుడు కారులో ఎవరూ లేకపోవడంతో పెనుప్రమాదం తప్పినట్లు అయ్యింది.

Read More: AP Bjp: కీలక నిర్ణయాలు తీసుకున్న ఏపి బీజేపీ..!అవి ఏమిటంటే..!?

ఈ ఘటనపై ముంబయి ట్రాఫిక్ పోలీసులు స్పందిస్తూ వివరణ ఇచ్చారు. ఆ కారు నిలిచిన ప్రాంతంలో ఒకప్పుడు బావి ఉండేదనీ, కాలక్రమంలో దాన్ని మట్టితో నింపేశారనీ తెలిపారు. కొందరు దానిపై కాంక్రీట్ వేసి పార్కింగ్ ఏరియాగా మార్చుకున్నారని చెప్పారు. ప్రస్తుతం భారీ వర్షాలు కురుస్తుండటంతో బావి పూడ్చివేసిన ప్రదేశంలో భూమి కుంగిపోయి ఉంటుందని తెలిపారు.

Unbelievable!! Visuals from Mumbai- Car simply SINKS & Disappears into the ground !! #MumbaiRains #Mumbai pic.twitter.com/ABhzN6LK81

— Rosy (@rose_k01) June 13, 2021

sharma somaraju Content Editor

See Full Bio