Yeddyurappa Resigns: ఎట్టకేలకు కర్నాటక సీఎం పదవికి రాజీనామా చేయనున్నట్లు యడియూరప్ప ప్రకటించారు. మధ్యాహ్నం తరువాత యడియూరప్ప రాజీనామా చేసే అవకాశం ఉంది. అధిష్టానం నుండి ఆదేశాలు రావడంతో ఆయన రాజీనామా ప్రకటన చేశారు. గత కొద్ది రోజులుగా యడియూరప్ప రాజీనామా చేయనున్నారంటూ వార్తలు హాల్ చల్ చేసిన సంగతి తెలిసిందే. అయితే ఆ వార్తలను ఆయన తోసిపుచ్చుతూ వచ్చారు.
సోమవారం తన రెండేళ్ల పాలన వేడుకల్లో ఆయన రాజీనామా ప్రకటన చేస్తూ భావోద్వేగానికి గురైయ్యారు. రెండేళ్ల పాటు ప్రభుత్వాన్ని విజయవంతంగా ముందుకు నడిపానని చెప్పారు. గవర్నర్ ను కలిసి రాజీనామా లేఖను అందజేయనున్నట్లు యడియూరప్ప తెలియజేశారు. యడియూరప్ప రాజీనామా ప్రకటనతో గత కొంత కాలంగా నడుస్తున్న వివాదానికి తెరపడింది. ఈ విషయంలో యడియూరప్ప వ్యతిరేక వర్గీయులు అధిష్టానం వద్ద సక్సెస్ అయ్యారు.