అమ్మకానికి హాయ్ ల్యాండ్-ధర 600 కోట్లు

69 views

అగ్రీగోల్డ్ కేసులో హైకోర్టు కీలక ఆదేశాలు జారీ చేసింది. అగ్రీగోల్డ్ ఆస్తులలో అత్యంత ముఖ్యమైన హాయ్ ల్యాండ్ అమ్మకానికి అంతర్జాతీయ స్థాయిలో బిడ్డర్ లను ఆహ్వానించాలని ఆదేశించింది. అలాగే హాయ్ ల్యాండ్ కనీస ధరను రూ.600 కోట్లుగా నిర్ణయించింది. ఈ మేరకు ఆ స్థలాన్ని వేలం వేయాలని ఎస్ బీఐని ఆదేశించింది.

ఏపీ కేబినెట్ లో అగ్రీగోల్డ్ బాధితులకు సత్వర న్యాయం పై ఈ రోజు చర్చ జరగనున్న నేపథ్యంలో కోర్టు తీర్పు ప్రాధాన్యత సంతరించుకుంది. అగ్రీగోల్డ్ ఆస్తుల కొనుగోలుపై ముందుకు వచ్చిన జీఎస్ఎల్ గ్రూప్ ఈ రోజు హైకోర్టులో తన ప్రతిపాదన ఉపసంహరణకు దరఖాస్తు చేసుకుంది. ఇందుకు ఆమోదించిన హైకోర్టు ఆ సంస్థ డిపాజిట్ చేసిన పది కోట్ల రూపాయలలో మూడు కోట్ల రూపాయలను నష్టపరిహారం కింద జమచేసుకుని మిగిలిన సొమ్మును మాత్రమే జీఎస్ఎల్ గ్రూప్కు వెనక్కు ఇవ్వాలని ఆదేశించింది.

Inaalo natho ysr book special Review