భగత్ సింగ్ టెర్రరిస్ట్ అన్న ప్రొఫెసర్ కు ఉద్వాసన!

భారత స్వాతంత్ర్య సమరయోధుడు, అమరవీరుడు భగత్ సింగ్ ను ఓ టెర్రరిస్ట్ గా అభివర్ణించిన జమ్మూ యూనివర్సిటీ ప్రొఫెసర్ ముహమ్మద్ తాజుద్దీన్ ను సస్పెండ్ చేశారు. భగత్ సింగ్ ను టెర్రరిస్ట్ గా అభివర్ణిస్తూ ప్రొఫెసర్ చేసిన వ్యాఖ్యల వీడియో సోషల్ మీడియాలో వైరల్ కావడంతో ఈ చర్య తీసుకున్నారు. ఈ వార్త వెలువడిన వెంటనే ప్రొఫెసర్ తాజుద్దీన్ క్షమాపణలు చెప్పారు. తన మాటల వెనుక ఉద్దేశం విద్యార్థులకు అర్థం కాలేదని భావిస్తున్నట్లు తెలిపారు. ఎవరి మనోభావాలను దెబ్బతీసే ఉద్దేశం తనకు లేదని ప్రొఫెసర్ వివరణ ఇచ్చారు. తాను చేసిన తప్పిదానికి క్షమించాలని కోరారు.