వందడుగుల కథానాయకుడు

తెలుగుదేశం నాయకుడు, హిందూపురం ఎమ్మెల్యే, నటుడు బాలకృష్ణ అత్యంత ప్రతిష్టాత్మకంగా నిర్మిస్తున్న ఎన్టీఆర్ బయోపిక్ కథానాయకుడు చిత్రం కోసం హైదరాబాద్ లో వంద అడుగుల భారీ కటౌట్ ను ఏర్పాటు చేశారు. ఈ కటౌట్ విశేషంగా ఆకర్షిస్తున్నది. ఎన్టీఆర్  వేషధారణలో ఉన్న బాలకృష్ణ వంద అడుగుల కటౌట్ ను హైదరాబాద్- నిజాంపేట చౌరస్తాలో ఏర్పాటు చేశారు.

క్రిష్ దర్శకత్వంలో ఎన్టీఆర్ బయోపిక్ కథానాయకుడు,మహానాయకుడు గా రెండు భాగాలుగా రూపొందుతున్న విషయం తెలిసిందే. ఇందులో మొదటి భాగం కథానాయకుడు వచ్చే నెల 9న విడుదల కానుంది. ఫిబ్రవరిలో రెండో భాగం మహానాయకుడు విడుదల కానుంది.