చివరి రోజు ఏపీ అసెంబ్లీ శీతాకాల సమావేశాలు జరుగుతున్న సందర్భంలో సభ ప్రారంభం కాగానే టిడిపి సభ్యులు మరోసారి సస్పెన్షన్ కు గురయ్యారు. గత నాలుగు రోజుల నుండి ఇదే తంతు కొనసాగడంతో తాజాగా చివరి రోజు అమూల్ ప్రాజెక్టు గురించి డిబేట్ ఉన్న తరుణంలో హెరిటేజ్ సమస్త రైతులను మోసం చేసిన భాగోతాలు బయట పడతాయో అన్న భయంతో, ఈ చర్చలో రైతులకు అసలు విషయాలు తెలుస్తాయని టీడీపీ నేతలు కావాలని సభా సంప్రదాయాలకు వ్యతిరేకంగా వ్యవహరిస్తున్నారని మంత్రి పేర్ని నాని మండిపడ్డారు.
ఈ క్రమంలో సభా సంప్రదాయాలకు వ్యతిరేకంగా టిడిపి పార్టీకి చెందిన పది మంది సభ్యులను స్పీకర్ సస్పెండ్ చేశారు. ఉపాధి హామీ పెండింగ్ బిల్లులు చెల్లించాలని డిమాండ్ చేయడంతో పాటు స్పీకర్ పోడియం వద్దకు వెళ్లి నిరసన లో భారీ స్థాయిలో తెలియజేయడంతో పది మంది సభ్యులను సస్పెండ్ చేయాలని మంత్రి పేర్ని నాని తీర్మానం ప్రవేశపెట్టడంతో స్పీకర్ పది మంది టీడీపీ సభ్యులపై సస్పెండ్ వేటు వేశారు.
అచ్చెన్నాయుడు, రామానాయుడు, అనగాని సత్య ప్రసాద్, ఏలూరి సాంభశివరావు, జోగేశ్వర రావు, రామ రాజు, రామకృష్ణ బాబు, బాల వీరాంజనేయ స్వామి, అశోక్, బుచ్చయ్య చౌదరి సస్పెన్ష్‌ అయిన వారిలో ఉన్నారు. వరుసగా ఐదు రోజులు టిడిపి నేతలు సస్పెండ్ కావటం తో సభలో అధికార పార్టీకి చెందిన నేతలు కావాలని టీడీపీ నేతలు పత్రికా ప్రకటనల కోసం ఫోటోల కోసం ఆరాటాలు పడుతున్నట్లు సెటైర్లు వేశారు. ప్రజా సమస్యలపై చర్చకు వారి వద్ద సబ్జెక్ట్ లేకపోవటంతో భయపడి సభ నుండి పారిపోయే ప్రయత్నంలో కావాలని సస్పెండ్ కు గురయ్యేలా వ్యవహరిస్తున్నారని పేర్కొంటున్నారు.
