Marriage: సత్సంతానం
మొదటి రాత్రి లేదా శోభనం అని పిలవబడే వాటిని గర్భాదానం అంటారు.. గర్భాదానము అంటే గర్భమునందు ఉంచడము అని అర్ధము.వివాహం చేసుకుని ధర్మ బద్దమైన కామం తో ధర్మ పత్నితో సత్సంతానం కలగటానికి చాలా జాగ్రత్తలు తీసుకునేవారు ఒకప్పటి కాలం వారు. ఇది వరకు కాలం లో చిన్న పిల్లలు గా ఉండగానే వివాహం ( marriage )జరిగేది. ఆ పిల్లలు వయస్సుకు వచ్చాక మంచి ముహూర్తము చూసి గర్భాదానము చేసేవారు.
Marriage: గర్భాదానము రోజు
గర్భాదానము రోజు ఉదయము అగ్ని హోత్రాన్ని వివాహం జరిగిన తర్వాత గర్భాదానము రోజున తిరిగి ప్రతిష్టించి హోమములు చేసేవారు. ఇంతటి ప్రాధాన్యతని ఇచ్చేవారు కాబట్టే ఆ రోజుల్లో సత్సంతానం కలిగేది దంపతులు పది కాలాల పాటు ఎలాంటి సమస్యలు లేకుండా అన్యోన్యంగా జీవించేవారు. కానీ ఈ రోజుల్లో పెళ్లి అవగానే ఒకటి , రెండు రోజులలో ముహూర్తము అనేది చూసుకోకుండా, దానికి సంబందించిన ఏ విధమైన సంస్కారము చేయకుండా కేవలము ఒక వేడుక లాగ ఫస్ట్ నైట్ కార్ర్యక్రమం ముగించేస్తున్నారు. అలా చేయడం అస్సలు శాస్త్ర సమ్మతం కాదు అని ప్రతి ఒక్కరు గుర్తించాలి. మనిషికి జరుపబడే షోడశ కర్మలలో మొదటిది, జీవి పుట్టుకకు ముందే చేసే అతి ముఖ్యమైన సంస్కారం గర్భాదానం అని చెప్పబడింది.
స్త్రీలకు నెలసరి
గర్భాదానం వలన పిండోత్పత్తి జరిగి జీవి పుట్టుకకు కారణం అవుతుంది. అలాంటి గర్భాదానం ఎప్పుడు చేస్తే మంచిది ? గర్భాదాన సమయ ప్రాధాన్యత ఏమిటి? అనే వాటి మీద మన శాస్త్రం గర్భాదాన ముహూర్తం గురించి తెలియచేసింది . స్త్రీలకు నెలసరి వచ్చిన దగ్గరనుండి మొదటి పదహారు రాత్రులు ఋతు రాత్రులు అంటారు. అందులోనెలసరి వచ్చిన మొదటి నాలుగు రోజులు గర్భాదానం చేయడానికి పనికి రాదు.
