మనందరం మమ్మీ పేరు వినే ఉంటాం. ముఖ్యంగా మమ్మీ పేరుతో సినిమా వచ్చాక మమ్మీల గురించి అందరికీ ఎక్కువగా తెలిసింది. అయితే.. మమ్మీల పేరు ఎత్తితే చాలు.. ఈజిప్టే గుర్తొస్తుంది మనకు. ఎందుకంటే అప్పట్లో ఈజిప్టియన్లు చనిపోయిన వాళ్లను సమాధి చేయకుండా తమకు తోచిన పద్ధతిలో వాళ్లను భద్రపరిచేవారు. అలా.. అవి వందల ఏళ్ల తర్వాత మమ్మీలుగా మారిపోయాయి. అందుకే.. మమ్మీలు అంటేనే ఈజిప్ట్. ఇప్పటికే మమ్మీల పేరుతో ఎన్నో సినిమాలు వచ్చాయి.
సినిమాల్లో చూపించేది నిజమైన మమ్మీ కాదు. అది డమ్మీ. కానీ.. నిజమైన మమ్మీని చూస్తే పడిపోతుంది. ఇప్పుడు మీరు చూస్తున్న ఫోటోలు అవే.
అయితే.. అప్పట్లో ప్రాచీన ఈజిప్టియన్లు మృతదేహాలను భద్రపరచడం కోసం, అవి పాడవకుండా ఉండటం కోసం ఎటువంటి పద్ధతులు ఉపయోగించేవాళ్లు.. అనే విషయంపై ఇప్పటికీ పరిశోధకులు పరిశోధన చేస్తూనే ఉన్నారు. అయినప్పటికీ.. వాళ్ల ప్రక్రియ గురించి ఇఫ్పటి వాళ్లకు ఆశ్చర్యమే కలుగుతుంది.
ఎందుకంటే.. వేల ఏళ్ల క్రితం నాటి మమ్మీలు ఇప్పటికీ చెక్కు చెదరకుండా ఉన్నాయంటే.. ప్రాచీన ఈజిప్టియన్లు ఎటువంటి పద్ధతి ఉపయోగించారు.. అనేది పెద్ద ప్రశ్నగా మారింది.
అయితే.. తాజాగా ఓ మమ్మీ మీద పరిశోధన చేసిన పరిశోధకులకు షాకింగ్ విషయాలు తెలిశాయి. ఈజిప్టియన్లు శవాలను భద్రపరచడానికి ఉపయోగించే ఎంబాల్మింగ్ అనే ప్రక్రియను శాస్త్రవేత్తలు అనుకున్న దానికంటే కూడా 1500 సంవత్సరాల ముందే ఉపయోగించారట.
ఈజిప్టులోని టురిన్ మ్యూజియంలో భద్రపరిచి ఉన్న ఫ్రెడ్ అనే ఓ మమ్మీ మీద రీసెర్చర్స్ పరిశోధన చేశారు. ఫ్రెడ్ అనే మమ్మీ 5600 సంవత్సరాల క్రితానికి చెందినది. అది ఇప్పటికీ చెక్కు చెదరకుండా ఉండటానికి గల కారణాలను వాళ్లు అన్వేషించారు. 1901 లో ఆ మమ్మీని టురిన్ మ్యూజియానికి తీసుకొచ్చారు. అప్పటి నుంచి అది పాడవకుండా ఉండటం కోసం మ్యూజియం సిబ్బంది ఏం చేయలేదు. వంద ఏళ్లు దాటినప్పటికీ.. ఆ మమ్మీ మాత్రం ఏమాత్రం పాడవకుండా.. ఎలా ఉందో అలాగే ఉంది.
దీనిపై పరిశోధన చేసి.. ఇది సాధారణంగా భద్రపరిచిన మమ్మీ కాదని.. దీన్ని ప్రత్యేక పద్ధతిలో.. సహజసిద్ధంగా ప్రాచీన ఈజిప్టియన్లు భద్రపరచారని తెలుసుకోగలిగారు. అంతే కాదు.. సాధారణంగా మమ్మీలను భద్రపరిచేటప్పుడు శరీరంలోపల ఉన్న అవయవాలన్నింటినీ తీసేసి భద్రపరుస్తారు. కానీ.. ఈ మమ్మీకి మాత్రం తన అవయవాలన్నీ తన శరీరంలోపలే ఉన్నాయి. ఇప్పటికీ అలాగే ఉన్నాయి. అలాగే మమ్మీని పడుకొబెట్టే విధానం కూడా వేరుగా ఉంటుంది. కానీ.. ఈ మమ్మీని ఢిఫరెంట్ గా పడుకోబెట్టి.. సాధారణంగా మమ్మీలను భద్రపరిచేలా కాకుండా.. వేరే పద్ధతులను ఉపయోగించి దీన్ని భద్రపరిచారు కాబట్టి.. ఎన్ని వేల సంవత్సరాలు అయినా ఆ మమ్మీ ఏమాత్రం చెక్కు చెదరకుండా అలాగే ఉంటుంది.. అని పరిశోధకులు తేల్చారు.