70 సంవత్సరాల వృద్ధుడు భూమిని చుట్టేశాడు.. అదేంటి అని అనుకుంటున్నారా?1,500 రోజుల్లో భూమికి సమానమైన40,075 కిలోమీటర్ల యాత్రను పూర్తి చేసి అందరినీ ఆశ్చర్యపరిచాడు. అతను ఎందుకు ఎన్ని కిలోమీటర్లు నడిచారో తెలుసా? తన బరువును తగ్గించుకోవడం కోసం ఏకంగా భూమిని చుట్టి వచ్చాడని గిన్నిస్ బుక్ వరల్డ్ రికార్డు నిర్వాహకులు తెలిపారు. ఎవరైనా బరువు తగ్గడం కోసం డైట్ ఫాలో అవుతారు, శరీరానికి తగ్గట్టు వ్యాయామం చేస్తూ ఉంటారు. మరికొందరు ఏదైనా ట్రీట్మెంట్ ను తీసుకుంటారు. కానీ తన ఏకంగా భూమిని చుట్టేసి రావడం ఎంతో ఆశ్చర్యానికి గురి చేసింది.
పంజాబ్ లో జన్మించిన వినోద్ బజాజ్ అనే వ్యక్తి గడిచిన నలభై సంవత్సరాలుగా ఐర్లాండ్ లో నివసిస్తున్నాడు. తన బరువును తగ్గించుకోవడం కోసం వినూత్నమైన ఆలోచన చేశాడు. 2016వ సంవత్సరంలో తన బరువును తగ్గించుకోవడం కోసం ఏకంగా భూమి చుట్టూ తిరిగి రావాలని నిర్ణయించుకున్నాడు. ఈ యాత్రను ప్రారంభించి బరువు తగ్గుతుండటంతో, అతనిలో నడవాలని ఉత్సాహం మరింత రెట్టింపయ్యింది. ఈ విషయం గురించి వినోద్ బజాజ్ మాట్లాడుతూ, తాను ఆహారంలో ఎటువంటి మార్పులు చేయకుండా, కేవలం నడక ద్వారా మాత్రమే తన బరువు తగ్గాను అని తెలిపారు. నడక ప్రారంభించిన మొదటి మూడు నెలలలో ఏకంగా ఎనిమిది కిలోల బరువు తగ్గానని తెలిపారు.
ఒక సంవత్సరం పూర్తి అయ్యేలోపు దాదాపుగా 7 వేల 600 కిలోమీటర్ల నడకను పూర్తి చేశారు. దీంతో అతనిలో నడవాలనే ఉత్సాహం పెరిగిందని తెలిపారు. రెండు సంవత్సరాలు పూర్తి అయ్యేసరికి 1,500 కిలోమీటర్ల నడక పూర్తి చేశానని ఈ విధంగా మొత్తం 1500 రోజుల్లో దాదాపుగా 40,075 కిలోమీటర్లు నడిచానని తెలిపారు. వినోద్ బజాజ్ రిటైర్డ్ ఇంజనీర్, బిజినెస్ కన్సల్టెంట్ పనిచేశారు.1975 వ సంవత్సరంలో చదువు నిమిత్తం స్కాట్లాండ్ లోని గ్లాస్గోకు వెళ్లారు.అయితే గత నలభై మూడు సంవత్సరాల నుంచి ఐర్లాండ్ లో స్థిరపడి అక్కడే నివాసం ఉంటున్న, వినోద్ బజాజ్ 2016లో తన నడకను ప్రారంభించి గిన్నిస్ బుక్ రికార్డ్ లో చోటు సంపాదించుకున్నాడు.
