Pawan kalyan : పవన్ కళ్యాణ్ – క్రిష్ కాంబినేషన్ లో భారీ కమర్షియల్ సినిమా తెరకెక్కుతున్న సంగతి తెల్సిందే. ప్రముఖ నిర్మాత ఏ.ఎమ్ రత్నం ఈ సినిమాని దాదాపు 170 కోట్ల భారీ బడ్జెట్ తో నిర్మిస్తున్నారు. ఈ సినిమాలో పవన్ కళ్యాణ్ సరసన ఇస్మార్ట్ బ్యూటీ నిధి అగర్వాల్ బాలీవుడ్ హాట్ భామ జాక్వెలిన్ ఫెర్నాండెజ్ నటిస్తున్నారు. ప్రస్తుతం ఈ సినిమాకి హరి హర వీరమల్లు అన్న టైటిల్ ని ఫిక్స్ చేయాలని మేకర్స్ భావిస్తున్నారట. బందిపోటుగా పవన్ కనిపిస్తున్న ఈ సినిమాని పాన్ ఇండియన్ సినిమాగా తెరకెక్కించబోతున్నారు.
ఇక ఈ సినిమాని క్రిష్ 15వ శతాబ్దం నాటి మొఘల్ సామ్రాజ్య నేపథ్యంలో తెరకెక్కిస్తున్నాడు. పీరియాడికల్ సినిమా కాబట్టి ఆనాటి లొకేషన్లు సినిమాకి తప్పనిసరి. దీంతో ఈ సినిమా కోసం ఏకంగా భాగ్య నగరాన్నే నిర్మిస్తున్నారట దర్శక, నిర్మాతలు. ఈ సినిమాలో పవన్ కళ్యాణ్ ని బందిపోటు గా చూపించబోతున్నాడు దర్శకుడు క్రిష్. లాక్ డౌన్ కి ముందే 15 రోజుల షెడ్యూల్ కంప్లీట్ అయిన ఈ సినిమా రీసెంట్ గా షూటింగ్ మొదలై షెడ్యూల్ కంప్లీట్ చేశారు. త్వరలో మరో షెడ్యూల్ మొదలవబోతోంది. ఈ షెడ్యూల్ కోసం పవన్ కళ్యాణ్ 10 రోజులు డేట్స్ ఇచ్చినట్టు తెలుస్తోంది.
Pawan kalyan : పవన్ కళ్యాణ్ మలయాళ సూపర్ హిట్ అయ్యప్పనుం కోషియం తెలుగు రీమేక్ లో నటిస్తున్నాడు.
కాగా ఈ షెడ్యూల్ లో కీలకమైన సన్నివేశాలు తెరకెక్కించడానికి దర్శకుడు ప్లాన్ చేస్తున్నాడు. ఇక షెడ్యూల్ కోసం ‘గండి కోట’ సెట్ ని రెడీ చేసినట్టు తెలుస్తోంది. రాజీవన్ ఆద్వర్యంలో సెట్ రెడీ చేశారట. కాగా.. ఈ సినిమా కోసమే చార్మినార్ సెట్ కూడా వేశారు. ఇవే కాకుండా.. భాగ్య నగరంలోని ఇతర చారిత్రక కట్టడాల సెట్స్ కూడా వేయనున్నారట. అలాగే పవన్ సినిమా కోసం భాగ్య నగరాన్ని మళ్లీ నిర్మించబోతున్నారని సమాచారం. ఇక ఈ సినిమాతో పాటే పవన్ కళ్యాణ్ మలయాళ సూపర్ హిట్ అయ్యప్పనుం కోషియం తెలుగు రీమేక్ లో నటిస్తున్నాడు.