Prabhas : ప్రభాస్ Prabhas – హృతిక్ రోషన్ కాంబినేషన్లో అన్నీ ప్రధాన భాషల్లో భారీ పాన్ ఇండియన్ సినిమాకి సన్నాహాలు జరుగుతున్నాయని తాజాగా బాలీవుడ్ మీడియాతో పాటు టాలీవుడ్ లోనూ వార్తలు వస్తున్నాయి. తాజాగా మొదలైన ఈ న్యూస్ సోషల్ మీడియాతో పాటు ఇండస్ట్రీ వర్గాలలో కూడా హాట్ టాపిక్ గా మారింది. ప్రస్తుతం పభాస్ నాలుగు భారీ బడ్జెట్ తో తెరకెక్కుతున్న సినిమాలు చేస్తున్నాడు. రాధకృష్ణ కుమార్ దర్శకత్వంలో రాధే శ్యాం రూపొందుతుండగా ఈ సినిమా జూలై 30న దేశ వ్యాప్తంగా ప్రేక్షకుల ముందుకు రాబోతోంది. పూజా హెగ్డే హీరోయిన్గా నటిస్తోంది.
ఇక కేజీఎఫ్ దర్శకుడు ప్రశాంత్ నీల్ దర్శకత్వంలో సలార్ అన్న భారీ యాక్షన్ ఎంటర్టైనర్ ని చేస్తున్నాడు ప్రభాస్. శృతి హాసన్ హీరోయిన్గా నటిస్తోంది. ఈ సినిమా షూటింగ్ శరవేగంగా జరుగుతోంది. అలాగే బాలీవుడ్ దర్శక దిగ్గజం ఓం రౌత్ దర్శకత్వంలో ప్రభాస్ నటిస్తున్న బాలీవుడ్ స్ట్రైట్ సినిమా అదిపురుష్ సినిమా కూడా రీసెంట్ గా మొదలైంది. ఈ సినిమా షూటింగ్ కూడా సాగుతోంది. ఈ సినిమా 2022 ఆగస్టు 11 న రిలీజ్ కానుంది. సలార్ కూడా 2022 ఏప్రిల్ 14న రిలీజ్ చేయబోతున్నట్టు మేకర్స్ ప్రకటించారు.
Prabhas : ప్రభాస్ – హృతిక్ రోషన్ ల మల్టీస్టారర్ మొదలవనుందని తెలుస్తోంది.
ఇక వైజయంతీ మూవీస్ నిర్మించబోయో సినిమా కూడా ఈ ఏడాదే ప్రభాస్ సెట్స్ మీదకి తీసుకు రాబోతున్నాడు. ఈ క్రమంలోనే ప్రభాస్ మరొక బాలీవుడ్ సినిమాలో నటించడానికి సన్నాహాలు జరుగుతున్నాయని చెప్పుకుంటున్నాడు. ఈ సినిమాలో బాలీవుడ్ స్టార్ హీరో హృతిక్ రోషన్ కూడా నటిస్తుండగా భారీ మల్టీస్టారర్ గా రూపొందనుందట. సిద్దార్థ్ ఆనంద్ ఈ సినిమాకి దర్శకత్వం వహిస్తాడని సమాచారం. ప్రస్తుతం బాలీవుడ్ స్టార్ హీరో సిద్దార్థ్ ఆనంద్ పఠాన్ అన్న సినిమా తెరకెక్కిస్తున్నాడు. ఈ సినిమా కంప్లీట్ అవగానే ప్రభాస్ – హృతిక్ రోషన్ ల మల్టీస్టారర్ మొదలవనుందని తెలుస్తోంది.