Adult education: చైనీస్ విద్యార్థుల కు సెక్స్ ఎడ్యుకేషన్ Adult education గురించి పాఠాలు చెప్పేవారు కరువయ్యారు. ప్రస్తుతం చైనా లో స్కూల్ పిల్లలకు సెక్స్ ఎడ్యుకేషన్ మీద సరిగా అవగాహన లేదని యనెస్కో చైనా విభాగం తెలియచేసింది .సెక్స్ ఎడ్యుకేషన్ అనేది ఇంటి నుంచే మొదలవలిసి ఉండగా, తల్లిదండ్రులు మాత్రం దాన్ని స్కూల్ మీద విడిచి పెడుతున్నారు . వ్యక్తిగత కారణాలతో శృంగారం గురించి పిల్లలకు కుటుంబ సభ్యులు ఎవరూ వివరించడం లేదు.
అయితే, స్కూళ్ల లో కూడా ఈ సమస్య వచ్చింది. నిపుణులైన సెక్స్ ఎడ్యుకేషన్ చెప్పే టీచర్లు లేకపోవడం ఒకటైతే, తల్లిదండ్రుల నుంచి వచ్చే వ్యతిరేకత మరొకటి. 2011 నుంచి స్కూల్ విద్యలో సెక్స్ ఎడ్యుకేషన్ను తప్పనిసరి చేసింది చైనా. అయితే, అందుకు తగినట్టుగా టీచర్ల ను మాత్రం తయారు చేయలేకపోయింది. ఆ దేశం మొత్తానికి ఒక్క చెంగ్ డు యూనివర్సిటీనే సెక్స్ ఎడ్యుకేషన్ మీద ప్రత్యేక కోర్సును అందించేది.
చైనా ఫ్యామిలీ ప్లానింగ్ అసోసియేషన్ 2019-2020 మధ్య ఓ సర్వే చేసింది. అందులో 55000 మంది పాల్గొన్నారు. వారిలో 52 శాతం మంది తమకు స్కూల్లో సెక్స్ ఎడ్యుకేషన్ గురించి చెప్పారని తెలిపారు. పిల్లలకు సెక్స్ ఎడ్యుకేషన్ గురించి సరైన విధానంలో బోధించడం ద్వారా వారు తమను తాము లైంగిక దాడుల నుంచి కాపాడుకునే అవకాశం ఉంటుందని నిపుణుల అభిప్రాయం.
తమకు స్కూల్లో చెప్పిన సెక్స్ ఎడ్యుకేషన్ తమ మనస్సు బాధించేది గా ఉందని, 22 ఏళ్ల డెంగ్ టింగ్ తెలియచేసింది. అందులో కండోమ్ ఎలా ఉపయోగించాలో చెప్పడం తో పాటు, అబార్షన్ ఎలా జరుగుతుందో కూడా చూపించారు. అది అత్యంత బాధించేదిగా ఉందని ఆమె తెలియచేసింది .2018లో యునెస్కో ఇతర సబ్జెక్టులు, బయాలజీ, సైకాలజీ తరహాలోనే పిల్లలకు సెక్స్ ఎడ్యుకేషన్ కూడా ఓ భాగం చేయాలని సూచించింది .అయితే, సెక్స్ ఎడ్యుకేషన్ గురించి సమగ్రం గా చెప్పడం కూడా అంతతేలికయిన విషయం కాదని, ఎందుకంటే అది బోధించే టీచర్లకు దాని మీద పూర్తి అవగాహన ఉండాలని తెలియచేసింది .