Rajinikanth: సూపర్ స్టార్ రజినీకాంత్ రిలీజ్ అయిన చివరి సినిమా దర్బార్. కరోనా వైరస్ రాకముందు ఈ సినిమా రిలీజ్ అవ్వడం జరిగింది. తర్వాత రజనీకాంత్ తమిళనాడు అసెంబ్లీ ఎన్నికలలో పోటీ చేస్తున్నట్లు అప్పట్లో వార్తలు రావడం మాత్రమే కాక రజినీకాంత్ కూడా.. రాజకీయాల్లోకి వస్తున్నట్లు ప్రకటన చేయటం తెలిసిందే. ఈ ప్రకటనతో రజనీకాంత్ అభిమానులు కచ్చితంగా తమిళనాడు లో జరగబోయే అసెంబ్లీ ఎన్నికలలో… “తలైవా” సీఎం అవటం గ్యారెంటీ అని భావించారు. ఈ క్రమంలో గత ఏడాది డిసెంబర్ లో.. పార్టీ ప్రకటన తో పాటు విధివిధానాలను ప్రకటించడానికి రజనీ రెడీ అవుతున్న సమయంలో ఒక్కసారిగా అనారోగ్యానికి గురి కావడంతో వెంటనే రాజకీయ ఎంట్రీ లేదని రజిని మూడు పేజీల లెటర్ అభిమానులకు రాసి క్షమించాలని కోరడం జరిగింది.
తాను రాజకీయాల్లోకి రావడం భగవంతుడికి ఇష్టం లేదని దయచేసి అభిమానులు అర్థం చేసుకోవాలని తెలిపారు. అనంతరం అనారోగ్యానికి సంబంధించిన చికిత్స కోసం అమెరికాకు వెళ్లి రజనీ ట్రీట్మెంట్ తీసుకున్నారు. దీంతో రజనీకాంత్ సినిమాకి సంబంధించి వార్త దాదాపు రెండు సంవత్సరాలపాటు ఎక్కడ వినబడటం లేదు. ఇటువంటి తరుణంలో ప్రస్తుతం నటిస్తున్న సినిమా అన్నతై కి సంబంధించి లేటెస్ట్ వార్త తమిళ్ ఇండస్ట్రీ లో వైరల్ అవుతుంది. కరోనా కంటే ముందే ఈ సినిమాకి సంబంధించి షూటింగ్ మొదలు కాక అనేక సమస్యలు ఎదురు కావడం జరిగింది. షూటింగ్ మొదలై చాలా కాలమే అవటంతో సినిమాకి సంబంధించి ఫస్ట్ లుక్ లేదా ఏదైనా అప్డేట్ ఇవ్వాలని అభిమానులు ఎప్పటి నుండో కోరుతున్నారు.
ఇటువంటి తరుణంలో రజినీకాంత్ అభిమానుల కోరిక మేరకు సెప్టెంబర్ 10వ తారీఖు అనగా వినాయక చవితి పండగ నాడు రజిని అన్నాతై సినిమా పోస్టర్ రిలీజ్ చేస్తున్నట్లు సినిమా యూనిట్ ప్రకటించింది. శివ దర్శకత్వంలో తెరకెక్కుతున్న ఈ సినిమాలో రజనీ సరసన నయనతార తో పాటు కీర్తి సురేష్ నటిస్తోంది. ఇదిలా ఉంటే ఈ సినిమాను దీపావళి పండుగ సందర్భంగా నవంబర్ 4వ తారీఖున రిలీజ్ చేయాలని మేకర్స్ భావిస్తున్నారు. దీంతో చాలా కాలం తర్వాత మళ్లీ రజినీకాంత్ ని స్క్రీన్ పై చూసే రోజులు వస్తూ ఉండటంతో రజిని ఫ్యాన్స్ తాజా వార్త విని హ్యాపీ గా ఫీల్ అవుతున్నారు.
