Pushpa: ఐకాన్ స్టార్ బన్నీ ప్రస్తుతం సుకుమార్ దర్శకత్వంలో “పుష్ప” సినిమా చేస్తున్న సంగతి తెలిసిందే. ఫస్ట్ టైం పాన్ ఇండియా సినిమా చూస్తూ ఉండటంతో “పుష్ప” లో ప్రతి సన్నివేశం విషయంలో బన్నీ చాలా కేర్ తీసుకోవడం జరిగిందట. ఇప్పటివరకు చేసిన సినిమాలకు భిన్నంగా బన్నీ సినిమాలో సరికొత్త క్యారెక్టర్ చేయటంతో ఈ సినిమాపై అంచనాలు ఓ రేంజిలో ఏర్పడ్డాయి. లారీ డ్రైవర్ గా గంధపు చెక్కల స్మగ్లర్ పాత్రలో బన్నీ నటించిన ఈ సినిమా టీజర్ కూడా అదరగొట్టడంతో .. పుష్ప రిలీజ్ కోసం అభిమానులతో పాటు సినీ ప్రేమికులు ఎంతగానో ఆసక్తిగా ఎదురు చూస్తున్నారు.
ఇటీవలే ఈ సినిమా చూసిన డైరెక్టర్ బుచ్చిబాబు సనా 10 కేజిఎఫ్ లు కలిపితే ఒక పుష్ప అవుతుందని తెలపటంతో .. మరింతగా అంచనాలు పెరిగిపోయాయి. ఆగస్టులో సినిమా రిలీజ్ అవుతుంది అని అధికారిక ప్రకటన ప్రస్తుత పరిస్థితులను బట్టి వాయిదా పడే అవకాశం ఉన్నట్లు టాక్ వస్తోంది. ఇదిలా ఉంటే ఈ సినిమా తర్వాత బన్నీ పూర్తిగా వేణు శ్రీరామ్ దర్శకత్వంలో “ఐకాన్” సినిమా స్క్రిప్ట్ పై దృష్టి పెట్టడం జరిగిందట.
Read More: Allu Arjun: ఐకాన్ లో అల్లు అర్జున్ సరసన యంగ్ స్టార్ హీరోయిన్..??
ఇప్పటికే ఈ సినిమాకి సంబంధించి అనేక చర్చలు వేణు శ్రీరామ్ తో బన్నీ చర్చించినట్లు.. అతి తక్కువ టైమ్ లోనే సినిమా కంప్లీట్ చేసే తరహాలో ప్రతి సన్నివేశం స్క్రిప్ట్ వర్క్ మొత్తం ముందుగానే డైరెక్టర్ తో కూర్చుని బన్నీ క్లియర్ కట్ గా సినిమా స్టార్ట్ చేయాలని డిసైడ్ అయ్యారట. పుష్ప సినిమా షూటింగ్ మొత్తం కంప్లీట్ అయిన వెంటనే ఐకాన్ పట్టా లెక్కించాలి అనే ఆలోచనలో బన్నీ ఉన్నట్లు ఫిల్మ్ నగర్ టాక్.