Pushpa: ఐకాన్ స్టార్ట్ బన్నీ “పుష్ప” (Pushpa) సినిమాతో రేంజ్ మారిపోయిన సంగతి తెలిసిందే. పుష్ప చేస్తున్న టైంలో… బన్నీ నెక్స్ట్ కొరటాల శివ(Koratala Shiva), వేణు శ్రీరామ్(Venu Sriram).. ఇంకా మరి కొంతమంది తమిళ దర్శకుల పేర్లు వినబడ్డాయి. కానీ “పుష్ప” రెండు బాగాలుగా విభజించడంతో తర్వాత .. బన్నీ నటించబోయే సినిమాల వార్తల దర్శకుల గురించి రావటం ఆగిపోయాయి. ఈ క్రమంలో గత ఏడాది డిసెంబర్ నెలలో రిలీజ్ అయిన “పుష్ప” ప్రపంచవ్యాప్తంగా సూపర్ డూపర్ హిట్ కావటం తెలిసిందే. బన్నీ(Bunny) మేనరిజమ్.. సినిమాలో తగ్గేదేలే అని పలికిన డైలాగులు ఇప్పటికీ కూడా ప్రపంచవ్యాప్తంగా ట్రెండ్ అవుతున్నాయి.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
దీంతో “పుష్ప” సెకండ్ పార్ట్ సినిమాని సుకుమార్ చాలా ప్రతిష్టాత్మకంగా తీసుకున్నారు. త్వరలోనే ఈ సినిమా రెగ్యులర్ షూటింగ్ స్టార్ట్ కానుంది. ఇటువంటి తరుణంలో.. “పుష్ప” రెండో భాగం షూటింగ్ కంప్లీట్ కాకముందే తన నెక్స్ట్ సినిమా పై బన్నీ ఫోకస్ పెట్టినట్లు సమాచారం. దీనిలో భాగంగా తన కెరియర్ లో మూడు అదిరిపోయే బ్లాక్ బస్టర్ సినిమాలు ఇచ్చిన మాటల మాంత్రికుడు త్రివిక్రమ్ తో సినిమా చేయటానికి బన్నీ రెడీ అయినట్లు వార్తలు వినిపిస్తున్నాయి. జూలయి, సన్నాఫ్ సత్యమూర్తి, అలా వైకుంఠపురం లో వంటి మూడు అతిపెద్ద భారీ బ్లాక్ బస్టర్ హిట్స్.. వీరిద్దరి కాంబినేషన్ లో వచ్చాయి.
ఈ క్రమంలో పుష్ప సెకండ్ పార్ట్ తర్వాత అదే తరహాలో హిట్ కొట్టాలని బన్నీ స్ట్రాంగ్ గా డిసైడ్ అయ్యారట. అందుకు త్రివిక్రమ్ కరెక్ట్ అని.. భావించి స్టోరీలు వింటున్నట్లు ఇండస్ట్రీలో వార్తలు వస్తున్నాయి. ఇదిలా ఉంటే “అలా వైకుంఠపురం లో” సినిమా తర్వాత త్రివిక్రమ్ ఇప్పటివరకు దర్శకుడిగా మరో సినిమా చేయలేదు. త్వరలో మహేష్ బాబుతో సినిమా చేయనున్నారు. మహేష్ సినిమా అయిన తర్వాత అంతా ఓకే అయితే బన్నీతో త్రివిక్రమ్ చేయనున్నట్టు ఇండస్ట్రీ వర్గాలు అంటున్నాయి.