బిగ్ బాస్ షోలో మొదట్లో రేటింగ్ తెచ్చిపెట్టిన ప్రేమకథలకు ఇక ఎండ్ కార్డ్ పడేలా కనిపిస్తుంది. ప్రేక్షకులను ఊరిస్తూ వచ్చిన లావ్ ట్రాక్ లు అన్నీ చివరికి డొల్ల అని తెలిసిపోతుంది. మొదటి రెండు వారాలు ప్రేమ దేశం రేంజ్ లో హడావిడి చేసిన అఖిల్ – మోనాల్ -అభిజిత్ లవ్ ట్రాక్ కాస్త చప్పబడిపోయింది. ఈ మధ్యలో అవినాష్-అరియానా ఫ్రెండ్షిప్ వరకే పరిమితం అయిపోయారు.
హారిక ను అయితే సమయం చూసి అభిజిత్ తిట్టి పడేశాడు. దీంతో 9వ వారం నామినేషన్స్ మొత్తం గందరగోళంగా మారింది ఎవరు ఎవరిని ఎందుకు నామినేట్ చేస్తున్నారో అసలు అర్థం కాలేదు ముఖ్యంగా వీటన్నింటిలో ఎక్కువ నష్టపోయింది మోనాల్ అనే చెప్పాలి. ఇప్పటి వరకు ఆమె ఇంటిలో కొనసాగుతుంది అంటే ఆమెకు ఇంటి సభ్యుల లో ఉన్న క్రేజ్ కారణం. అది కాస్త ఇప్పుడు తగ్గిపోయింది.
అందరూ ఆమెతో స్నేహం పెంచుకుంటే అది తమకు విక్నెస్ గా భావిస్తున్నారు. తాజాగా నాగార్జున మోనాల్ కి సంబంధించిన వీడియోను ప్రసారం చేసి ఆమె గుట్టు రట్టు చేశాడు. దీంతో సోహెల్ తో ఆమెకు దూరం బాగా పెరిగిపోయింది .అఖిల్ కు కూడా క్రమక్రమంగా ఆమె తన బలహీనత అని అర్థం అయినట్లు తెలుస్తోంది.
ఇదే సమయంలో 9వ వారం నామినేషన్ లో అఖిల్ ఆమె ను నామినేట్ చేయడం ఆమె జీర్ణించుకోలేకపోయింది. అమ్మరాజశేఖర్ తో గొడవ అయినా సరే వెళ్లి అతనితోనే ముచ్చట్లు పెట్టింది. అంతేకాకుండా అబ్బాయిలు అమ్మాయి తో ఫ్రెండ్షిప్ కన్నా ఎక్కువ కావాలి అని కోరుకుంటారు…. కానీ ఇది ఇక్కడ అతనికి దొరకలేదు అందుకే ప్రాబ్లం వచ్చింది అని అఖిల్ గురించి చెప్పింది. మరి అఖిల్ ఫ్రెండ్షిప్ కు మించి మోనాల్ దగ్గర నుండి ఏమి ఆశించాడో వారిద్దరికీ తెలియాలి.
