Akkineni : అక్కినేని ఫ్యామిలీ నుంచి వచ్చిన హీరో సుమంత్ కెరీర్ చాలా నెమ్మదిగా సాగుతోంది. సంచలన దర్శకుడు రాం గోపాల్ వర్మ దర్శకత్వంలో వచ్చిన ప్రేమకథ సినిమాతో హీరోగా టాలీవుడ్ కి పరిచయం అయ్యాడు. డెబ్యూ సినిమాతోనే మంచి హిట్ అందుకున్నాడు. ఆ తర్వాత యువకుడు, సత్యం, గౌరీ, మహానంది, గోదావరి లాంటి సూపర్ హిట్ సినిమాలు చేశాడు. ఇక సుమంత్ కెరీర్ లో కొన్ని ఫ్లాపులు కూడా ఉన్నాయి. అవన్ని సుమంత్ పట్టించుకోకుండా తన పంథాలో సున్నితమైన కథలను ఎంచుకుంటూ సాగుతున్నాడు.
కాగా తాజాగా సుమంత్ కొన్ని ఆసక్తికరమైన విషయాలను చెప్పుకొచ్చాడు. సుమంత్ వరల్డ్ క్యాన్సర్ డే సందర్బంగా హైటెక్ సిటీలో జరిగిన ఒక క్యాన్సర్ అవగాహణ ర్యాలీలో పాల్గొన్నాడు. భారీ స్థాయిలో జరిగిన ఈ ర్యాలీలో సుమంత్ పాల్గొని క్యాన్సర్ పట్ల అవగాహణ కల్పించాడు. అంతేకాదు ఈ సందర్బంగా.. తాత గారు క్యాన్సర్ తో మృతి చెందడం చాలా బాధ అనిపించింది. క్యాన్సర్ తో పోరాటం అంటే మరో జన్మ కోసం పోరాడినట్టే. ప్రారంభ దశలో క్యాన్సర్ ను గుర్తిస్తే తప్పకుండా బయటపడతారు. లేదంటే ప్రాణాలకే ముప్పు వాటిల్లుతుంది.. అంటూ తెలిపాడు.
Akkineni : ఇలాంటి సన్నివేశాలు రాంగ్ ట్రాక్ లోకి తీసుకు వెళ్ళే ఛాన్స్..?
ఇక ఈ విషయంలో యువతకి పలు సలహాలిచ్చాడు. ముఖ్యంగా యువత చెడు అలవాట్లకు దూరంగా ఉండాలని.. చెడు అలవాట్ల కారణంగా ఎక్కువగా క్యాన్సర్ బారిన పడే అవకాశాలు ఉన్నాయంటూ సుమంత్ చెప్పుకొచ్చాడు. అంతేకాదు సుమంత్ నటించే సినిమాల్లో సిగరెట్ తాగే సీన్స్ కూడా ఎప్పుటి నుంచో చేయడం మానేశానని తెలిపాడు. ఎవరైనా సిగరెట్ తాగాలంటూ కోరినా కూడా నేను సున్నితంగా తిరస్కరించానని తెలిపాడు. ఇక చాలా తక్కువ సందర్బాల్లో పాత్రకు తప్పకుండా సిగరెట్ స్మోకింగ్ ఉంటే బాగుంటుందని అనిపిస్తే అప్పుడు తక్కువ సీన్స్ లో సిగరెట్ తాగినట్లుగా నటిస్తాను తప్ప సిగరెట్ సీన్స్ ను తన సినిమాలలో సాధ్యమైనంత వరకు లేకుండా చూసుకుంటానని యూత్ కి ఇలాంటి సన్నివేశాలు రాంగ్ ట్రాక్ లోకి తీసుకు వెళ్ళే ఛాన్స్ ఉందని అందుకే చేయనని తెలిపాడు.
tags :
keywords :