ఇపుడు ఇండియా ఫిలిం ఇండస్ట్రీలో ఎక్కడ విన్నా ఒక్కటే మాట అదే కాంతార. అవును, రెండు మూడు వరాల క్రితం కన్నడలో రిలీజై సూపర్ డూపర్ హిట్ అయిన సినిమా పేరే “కాంతార.” కాంతార అనగా అడవి అని అర్ధం. అక్కడ ఈ సినిమాకి మంచి పేరు రావడంతో ఇక్కడ అల్లు అరవింద్ డిస్ట్రిబ్యూట్ చేసాడు. కట్ చేస్తే తెలుగునాట కూడా సంచలన విజయ నమోదు అయింది. ఇప్పటికే దాదాపు 20 కోట్లు పైన కలెక్ట్ చేస్తూ సంచలనం సృష్టించింది. ఇటీవలికాలంలో ఓ డబ్బింగ్ సినిమా ఈస్థాయి మార్కెట్ ని అందుకోవడం ఇదే తొలిసారి.
ఈ సినిమా మంచి విజయం సాధించడంతో నిర్మాత అల్లు అరవింద్ ఫుల్ ఖుషీగా వున్నాడు. తాజాగా సక్సెస్ మీట్లో మాట్లాడుతూ.. “మేము రిలీజ్ చేసిన “కాంతార” చిత్రాన్ని ఆదరించిన తెలుగు ప్రేక్షకులకు పేరు పేరున ధన్యవాదాలు. ఈ సినిమాలో వున్న ఎమోషన్ కు తెలుగు ఆడియన్స్ బాగా కనెక్ట్ అయ్యారు. ఈ కథను ఇంగ్లీష్ నుండో, యూరోపియన్ నుండో, కొరియన్ నుండో కాపీ కొట్టలేదు. ఒక ఊరిలో జరిగిన కొన్ని విశేషాలను తీసుకొని రాసుకున్న కథ. ఒక్కమాటలో చెప్పాలంటే మట్టిలో నుండి పుట్టిన కథ. బన్నీ వాసు వచ్చి నన్ను అర్జంట్ గా ఈ సినిమా చూడమంటే కన్నడలో చూశాను. చూసిన వెంటనే ఇక్కడ డబ్బింగ్ హక్కులు తీసుకున్నాను.” అని చెప్పుకొచ్చారు.
ఇకపోతే కాంతార వసూళ్ల సునామి ఆగేటట్టు కనబడటంలేదు. హీరో అయితే ఎమోషన్స్ కు ఫీల్ అయ్యి అద్భుతంగా నటించాడు. అజనీష్ లోకనాథ్ బ్యాక్ గ్రౌండ్ స్కోర్ అద్భుతంగా పండింది. అల్లు అరవింద్ ఊహించినట్టే థియేటర్స్ లో కూర్చున్న ప్రతి ప్రేక్షకుడు పూనకాలతో ఊగిపోతున్నాడు. అన్ని చోట్ల నుండి ఊహించని రెస్పాన్స్ వస్తోంది. డిఫరెంట్ ఫిలిం కావాలనుకునే వారికి “కాంతారా” సినిమా కచ్చితంగా నచ్చుతుంది. వెళ్లి సినిమా చూడండి వెంటనే.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!