Shakuntalam : ‘శాకుంతలం’.. ప్రస్తుతం టాలీవుడ్లో తెరకెక్కుతున్న పాన్ ఇండియన్ సినిమాలలో ‘శాకుంతలం’ సినిమా ఒకటి. సమంత టైటిల్ రోల్ లో నటిస్తున్న ఈ సినిమా మీద అనౌన్స్ చేసినప్పటి నుంచే భారీ అంచనాలు నెలకొన్నాయి. పౌరాణిక గాధ ఆధారంగా దర్శకుడు గుణశేఖర్ ఈ సినిమాను ఎంతో ప్రతిష్టాత్మకంగా తెరకెక్కిస్తున్నారు. సమంత శకుంతలగా, ఆమెకి జంటగా దుష్యంతుడి పాత్రలో మలయాళ నటుడు దేవ్ మోహన్ నటిస్తున్నారు. గుణ శేఖర్ సొంత నిర్మాణ సంస్థ గుణ టీం వర్క్ బ్యానర్ పై భారీ బడ్జెట్ తో నిర్మిస్తున్నారు. దాదాపు 50 శాతం షూటింగ్ పూర్తయిన ఈ సినిమా ప్రస్తుతం శరవేగంగా షూటింగ్ సాగుతోంది.
దిల్ రాజు ఈ సినిమాకి సమర్పకుడిగా వ్యవహరిస్తున్నాడు. తెలుగుతో పాటు మిగతా సౌత్ భాషలలో కూడా రిలీజ్ చేయనున్నారు. కాగా ఇందులో ఐకాన్ స్టార్ అల్లు అర్జున్ గారాలపట్టి అల్లు అర్హ నటిస్తోంది. ఛైల్డ్ ఆర్టిస్ట్గా డెబ్యూ ఇస్తున్న అల్లు అర్హ తాజాగా షూటింగ్ జాయిన్ అయింది. ఈ క్రమంలో శాకుంతలం టిం అర్హ కి గ్రాండ్ గా వెల్కం చెప్పారు. తాజాగా షూటింగ్ జాయిన్ అయిన అర్హకి మేకప్ చేస్తున్న వీడియోను సోషల్ మీడియాలో గుణశేఖర్ బృందం విడుదల చేసింది. ప్రస్తుతం ఈ వీడియో సోషల్ మీడియాలో ట్రెండ్ అవుతోంది.
Shakuntalam : హిరణ్య కశిపను ఆపేసి సొంతగా గుణశేఖర్ శాకుంతలం మొదలు పెట్టారు.
కాగా ఈ సినిమాలో శకుంతల, దుష్యంతుడి పాత్రల్లో నటిస్తున్న సమంత, దేవ్ మోహన్ ల కొడుకు భరతుడు పాత్రలో అర్హ నటిస్తోంది. ఇలాంటి సినిమాతో అర్హ డెబ్యూ ఇస్తుందని ఏ ఒక్కరు ఊహించలేదు. కాగా మెలోడి బ్రహ్మ మణిశర్మ సంగీతం అందిస్తున్నాడు. రుద్రమదేవి తర్వాత గుణశేఖర్ దర్శకత్వ వహిస్తున్న సినిమా ఇదే. అంతక ముందు రానా దగ్గుబాటితో హిరణ్య కశిప ప్రీ ప్రొడక్షన్స్ వర్క్ మొదలు పెట్టి కరోనా కారణంగా 120 కోట్ల బడ్జెట్ తో చేయడం అంత సాహసం కాదని తాత్కాలికంగా హిరణ్య కశిపను ఆపేసి సొంతగా గుణశేఖర్ శాకుంతలం మొదలు పెట్టారు. ఇక ఈ సినిమాను 2022లో భారీ స్థాయిలో రిలీజ్ చేయనున్నారు.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!