మెగా ఫ్యామిలీ హీరో అల్లు అర్జున్ టాలీవుడ్లో స్టైల్ అనే పదానికి ఐకాన్ లాంటి వాడన్న విషయం తెలిసిందే. బన్నీ మెగాఫ్యామిలీ నుండి వచ్చినా కూడా తన స్వంత టాలెంట్తో సెల్ఫ్మేడ్ హీరోగా ఎదిగాడు. అందుకే అతని అభిమానుల్లో చాలామంది నాన్ మెగా ఫ్యాన్స్ ఉన్నారంటారు.. అదీగాక కేరళలో అల్లు అర్జున్కి ఉన్న ఫ్యాన్స్ ఫాలోయింగ్ చాలామంది మలయాళీ హీరోలకు కూడా లేదట. ఇక మరో విశేషం ఏంటంటే కర్ణాటకలో కూడా తెలుగు హీరోల్లో ఎక్కువ మంది అభిమానులు ఉన్నది ఎన్టీఆర్, బన్నీ లకు మాత్రమే.
ఇలా ఒక తెలుగు రాష్ట్రాల్లోనే కాకుండా ఇతర రాష్ట్రాల్లో కూడా మంచి ఫ్యాన్ ఫాలోయింగ్ ఏర్పరచుకున్నాడు బన్నీ. అంతే కాదు ఈ మధ్యకాలంలో హలీవుడ్లో కూడా చోటు సంపాదించుకున్నాడు. అల్లు అర్జున్ పాటలకు పలువురు డ్యాన్స్ చేసి షోషల్ మీడియాలో పోస్టు చేసిన సంగతి తెలిసిందే. ఇక బాలీవుడ్లో కూడా బన్నీ కు మైండ్ బ్లోయింగ్ ఫాలోయింగ్ ఉందట. పలువురు బాలీవుడ్ స్టార్ హీరోలు బన్నీ డాన్సులను తెగ లైక్ చేసిన సందర్భాలు ఉన్నాయి. ఈ లిస్ట్లో తాజాగా మరో నటుడు చేరాడు.. అతనే టైగర్ ష్రాఫ్.. స్టైలిష్ స్టార్ అల్లు అర్జున్ సూపర్ హిట్ చిత్రం “పరుగు” రీమేక్ తో బాలీవుడ్ లో అడుగుపెట్టిన ఇతను బన్నీ తన ఫేవరెట్ హీరో అని అంటున్నాడు.
దీంతో బన్నీ ఫాలోవర్స్ లో మరో బాలీవుడ్ హీరో యాడ్ అయ్యాడని బన్నీ ఫ్యాన్స్ తెగ సంబర పడుతున్నారు. ఇక ఇలా బాలీవుడ్ హీరోలు మన వాళ్ళని ఫేవరేట్ స్టార్ గా ఫీలయితే వాళ్లకు బాలీవుడ్ లో ఇంకా ఫ్యాన్ ఫాలోయింగ్ పెరుతుగుతుంది. అదీగాక అల్లు అర్జున్ తాజా చిత్రం ‘పుష్ప’ 5 భాషల్లో రిలీజ్ కాబోతోంది. ఇప్పుడు అల్లు అర్జున్ కి టైగర్ ష్రాఫ్ ఫ్యాన్ అంటే ఇది అల్లు అర్జున్ పుష్ప సినిమా హిందీ సక్సస్ కి బాగా హెల్ప్ అవుతుందని సినీ వర్గాల్లో మాట్లాడుకుంటున్నారట. మరి స్టైలిష్ స్టార్ అల్లు అర్జున్ బాలీవుడ్ లో స్టార్ హీరో అవడానికి ఇంతకంటే ఏం కావాలి. ఖచ్చితంగా పుష్ప బాలీవుడ్ లో రిలీజయ్యాక ప్రభాస్ మాదిరిగా డైరెక్ట్ హిందీ సినిమా చేసే ఛాన్స్ రావడం పక్కా అంటున్నారు.