Allu Arjun – Rajamouli: పాన్ ఇండియా సినిమాకు అల్లు అర్జున్‌ను లాక్ చేసిన రాజమౌళి..? అవును ఈ వార్త ఇప్పటిది కాదు..గత కొన్నేళ్ళ క్రితమే రాజమౌళి అనుకున్నది. ఇప్పుడు మరోసారి దీనిపై క్లారిటీ ఇచ్చినట్టు తెలుస్తోంది. టాలీవుడ్‌లో ఉన్న అగ్ర దర్శకుల్లో అగ్ర స్థానంలో ఉన్న దర్శకుడు ఎస్ ఎస్ రాజమౌళి. మన తెలుగు సినిమా సత్తాను ఇండియన్ బాక్సాఫిస్ వద్ద ఎంతో గొప్పగా ఆవిష్కరించిన ఘనత ఆయనది. మన స్టార్స్‌ను హాలీవుడ్ రేంజ్‌లో చూపించిన ఘనత కూడా రాజమౌళిదే. మన తెలుగు ఇండస్ట్రీలో పాన్ ఇండియా సినిమాను తీయొచ్చు అని రూట్ చూపించిందీ జక్కన్ననే.
ఇలాంటి అగ్ర దర్శకుడితో సినిమా చేయాలని ఏ హీరో అయినా ఎదురుచూస్తాడు. ఇప్పటికే రాజమౌళి ఎన్.టి.ఆర్, ప్రభాస్, రవితేజ, రామ్ చరణ్, సునీల్ లాంటి వారితో సినిమాలు చేశారు. ఇప్పుడు ఎన్.టి.ఆర్, చరణ్‌లతో ఆర్ఆర్ఆర్ చిత్రాన్ని రూపొందించారు. ఈ నెల 25న ఈ సినిమా రిలీజ్ కాబోతోంది. దీని తర్వాత సూపర్ స్టార్ మహేశ్ బాబుతో ఓ సినిమాను చేయనున్నారు. ఇది కూడా పాన్ ఇండియన్ సినిమా. ప్రముఖ నిర్మాణ సంస్థ శ్రీదుర్గా ఆర్ట్స్ భారీ బడ్జెట్‌తో నిర్మిస్తోంది. ఈ సినిమా తర్వాత రాజమౌళి మళ్ళీ ఏ హీరోతో సినిమా చేస్తారనేది ఆసక్తికరమైన చర్చగా మారింది.
Allu Arjun – Rajamouli: ఈ ప్రాజెక్ట్ 2023లో ఉండే అవకాశాలున్నాయని తెలుస్తోంది.
అయితే, రాజమౌళి ఆర్ఆర్ఆర్ ప్రమోషన్స్‌లో భాగంగా పలు ఆసక్తికరమైన విషయాలను వెల్లడిస్తున్నారు. దీనిలో భాగంగా అల్లు అర్జున్‌తో ఓ సినిమా చేసేందుకు గతంలోనే తండ్రి విజయేంద్ర ప్రసాద్ కొన్ని లైన్స్ చెప్పారని..కానీ, అప్పట్లో వీలుపడలేదని అన్నారు. ఇప్పుడు అల్లు అర్జున్ పాన్ ఇండియన్ స్టార్ అయ్యాడు. ఇక త్వరలోనే అల్లు అర్జున్‌తో సినిమా చేసేందుకు ప్లాన్ చేస్తున్నట్టు చెప్పుకొచ్చారు. దాంతో దాదాపుగా ఈ ప్రాజెక్ట్ 2023లో ఉండే అవకాశాలున్నాయని తెలుస్తోంది. ఇప్పటికే అల్లు అర్జున్ బాలీవుడ్ సహా పలువురు సౌత్ స్టార్ డైరెక్టర్స్‌ను లైన్‌లో పెడుతున్నాడు.
