సుకుమార్ దర్శకత్వంలో అల్లు అర్జున్ హీరోగా గత ఏడాది వచ్చిన పుష్ప సూపర్ డూపర్ హిట్ కావడం తెలిసిందే. పాన్ ఇండియా నేపథ్యంలో ఫస్ట్ టైం నటించిన ఈ సినిమా అంచనాలకు మించి కలెక్షన్ లు సాధించడం జరిగింది. సినిమాలో అల్లు అర్జున్ మేనరిజం… పాటలు అదేవిధంగా స్టెప్పులు దేశంలోనే కాదు ప్రపంచవ్యాప్తంగా వైరల్ అయ్యాయి. దీంతో ఇప్పుడు పుష్ప సెకండ్ పార్ట్ కోసం ప్రపంచ సినీ రంగం ఎదురుచూస్తూ ఉంది.
వాస్తవానికి మొదటి భాగం డిసెంబర్ లో రిలీజ్ కాగా రెండో భాగానికి సంబంధించి అప్పటికే 30% షూటింగ్ కంప్లీట్ అయింది. కానీ అనూహ్యంగా పుష్ప ఫస్ట్ పార్ట్ బీభత్సమైన విజయం సాధించటంతో.. రెండో భాగానికి సంబంధించి దర్శకుడు సుకుమార్ స్క్రిప్ట్ మొత్తం మార్పులు చేయడం జరిగిందంట. దీంతో ఇప్పుడు “పుష్ప 2” సినిమా షూటింగ్ ఆలస్యం కావడం అయ్యిందట. ఇదిలా ఉంటే ఆగస్టు మూడో వారం నుండి షూటింగ్ స్టార్ట్ అవుతుందని ఇటీవల వార్తలు వచ్చాయి. అంతకుముందు జూన్ నెలలో స్టార్ట్ అవుతాయని వార్తలు వచ్చాయి.
అయితే తాజాగా మాత్రం ఆగస్టు మూడో వారంలో షూటింగ్ మొదలవుతుందని వచ్చిన వార్త నిజమేనని అల్లు అర్జున్ టీం మెంబర్ ఒకరు క్లారిటీ ఇవ్వటం జరిగింది అంట. ట్విట్టర్లో ఈ విషయాన్ని తెలియజేశారు. అంతేకాదు దాదాపు 350 కోట్లకు పైగా బడ్జెట్ తో “పుష్ప 2” తెరకెక్కుతున్నట్లు చిత్ర వర్గాల్లో టాక్ నడుస్తోంది. మొదటి భాగంలో కంటే రెండో భాగంలో బన్నీ క్యారెక్టర్ మరింత పవర్ ఫుల్ గా సుకుమార్ ప్లాన్ చేసినట్లు సమాచారం. ప్రస్తుతం బన్నీ ఫ్యామిలీతో విదేశాలలో ఎంజాయ్ చేస్తున్నారు. విదేశాల నుండి వచ్చిన వెంటనే ఆగస్టు మూడో వారం నుండి “పుష్ప 2” షూట్ స్టార్ట్ కానుంది.