అమేజ్ఫిట్ కంపెనీ ఇండియాలో ఓ నూతన స్మార్ట్వాచ్ను సోమవారం విడుదల చేసింది. అమేజ్ఫిట్ వర్జ్ లైట్ (Amazfit Verge Lite) పేరిట ఈ వాచ్ విడుదలైంది. ఇందులో 1.3 ఇంచుల అమోలెడ్ డిస్ప్లేను ఏర్పాటు చేశారు. దీనికి గొరిల్లా గ్లాస్ ప్రొటెక్షన్ను అందిస్తున్నారు. ఐపీ 68 వాటర్, డస్ట్ రెసిస్టెన్స్ ఫీచర్ కూడా ఉంది. బ్లూటూత్ 5.0 ద్వారా ఈ వాచ్ను ఆండ్రాయిడ్, ఐఓఎస్ డివైస్లకు కనెక్ట్ చేసుకోవచ్చు. అందుకు ఆండ్రాయిడ్లో వెర్షన్ 4.4పైన ఉండాలి. అదే ఐఓఎస్ అయితే వెర్షన్ 9.0పైన ఉండాలి.
స్మార్ట్ఫోన్కు వచ్చే కాల్, టెక్ట్స్, క్యాలెండర్, ఈ-మెయిల్, ఇతర యాప్స్ నోటిఫికేషన్లను ఈ వాచ్పై చూసుకోవచ్చు. స్లీప్ మానిటరింగ్, మ్యూజిక్ కంట్రోల్, ఈవెంట్ రిమైండర్ ఫీచర్లను ఈ వాచ్లో అందిస్తున్నారు. రన్నింగ్, వాకింగ్, సైక్లింగ్, క్లైంబింగ్, స్కీయింగ్ తదితర వర్కవుట్, స్పోర్ట్స్ మోడ్లను ట్రాక్ చేయవచ్చు. ఆప్టికల్ హార్ట్ రేట్ మానిటర్ను ఇందులో ఏర్పాటు చేశారు.
ఈ వాచ్లో 390 ఎంఏహెచ్ కెపాసిటీ ఉన్న బ్యాటరీని ఏర్పాటు చేశారు. అందువల్ల 20 రోజుల వరకు బ్యాటరీ బ్యాకప్ వస్తుంది. రూ.4,999 ధరకు ఈ వాచ్ను వినియోగదారులు ఫ్లిప్కార్ట్లో జూలై 14 నుంచి కొనుగోలు చేయవచ్చు.