Amazon Prime : ప్రముఖ బడా ఈ-కామర్స్‌ అమెజాన్ ఒక ఊహించని అఫర్ ను ప్రకటించింది. అవును.. నేడే త్వరపడండి. ప్రైమ్‌ మెంబర్‌షిప్‌పై ఏకంగా 50 శాతం వరకూ తగ్గింపును అందించనుంది. అయితే ఈ ఆఫర్ కేవలం 18-24 ఏళ్లలోపు యువకులకు మాత్రమే వర్తించనుడటం కొసమెరుపు. అంతేకాకుండా వారు పాత కస్టమర్లై ఉండాలి. కాగా కేవలం యువతను లక్ష్యంగా చేసుకొని ప్రైమ్‌ మెంబర్‌షిప్‌పై రెఫరల్స్ ప్రోగ్రామ్‌ను అమెజాన్ స్టార్ట్ చేయడం గమనార్హం. ఈ ‘యూత్ ఆఫర్’ రెఫరల్స్ ప్రోగ్రాంలో భాగంగా సదరు యూజరు ప్రైమ్‌లో చేరినట్లయితే సభ్యత్వంపై 50 శాతం తగ్గింపు ఇవ్వనుంది.
Amazon Prime : రెఫరల్స్ అండ్ క్యాష్ బ్యాక్స్..
యూత్ ఆఫర్‌లో భాగంగా ఓమారు పరిశీలించుకుంటే, అమెజాన్ ప్రైమ్‌ మెంబర్‌ షిప్‌ నెలవారీ రూ. 179 సభ్యత్వంపై రూ. 90 క్యాష్‌బ్యాక్‌తో పాటు మరో రూ. 18 క్యాష్‌బ్యాక్‌ను రిఫరల్ రివార్డ్‌గా ఆయా యూజర్‌ పొందుతాడు. త్రైమాసిక సభ్యత్వంపై రూ. 479 సభ్యత్వంపై రూ. 230 క్యాష్‌బ్యాక్‌తో పాటు మరో రూ. 46 క్యాష్‌బ్యాక్‌ను రిఫరల్ రివార్డ్‌గా యూజర్‌ పొందుతాడు. వార్షిక సభ్యత్వంపై రూ. 1,499పై ఆయా యూజర్‌ రూ. 750 క్యాష్‌బ్యాక్‌తో పాటుగా మరో వ్యక్తికి రెఫరల్‌ చేసినందుకుగాను మరో రూ. 150 క్యాష్‌బ్యాక్‌ను అమెజాన్ అందిస్తోంది.
50 శాతం తగ్గింపు:
అమెజాన్ అందిస్తోన్న ఈ యూత్ ఆఫర్‌ను సదరు వ్యక్తి ఆయా యూజర్‌కు రెఫరల్‌ చేయడంతో 50 శాతం తగ్గింపును పొందవచ్చును. అయితే ఇక్కడ సదరు యూజర్‌ ఖచ్చితంగా తన వయసును నిర్థారించుకోవాల్సి ఉంటుంది. అందుకోసం సెల్ఫీ, తదితర వయసు ధృవీకరణ పత్రాలను ఇక్కడ సబ్మిట్‌ చేయాల్సి ఉంటుంది. వచ్చిన క్యాష్‌బ్యాక్‌ ‘అమెజాన్ పే’లో క్రెడిట్‌ అయిపోతుంది. కనుక యువత ఈ అరుదైన అఫర్ ను సద్వినియోగం చేసుకోవలసిందిగా అమెజాన్ కోరుకుంటుంది.
