నీ కాళ్ళని పట్టుకు వదలనన్నవి చూడే నా కళ్లు
ఆ చూపులనల తొక్కుకు వెళ్లకు దయలేదా అసలు
నీ కళ్లకి కావలి కాస్తాయే కాటుకలా నా కలలు
నువ్వు నులుముతుంటే ఎర్రగ కంది చిందేనే సెగలు
నా ఊపిరి గాలికి ఉయ్యాలలూగుతూ ఉంటే ముంగురులు
నువ్వు నెట్టేస్తే ఎలా నిట్టూర్చవటే నిష్టూరపు విలవిలలు…
అంటూ ఆ కవి ఓ యువతి కాళ్లను వర్ణించాడు. అద్భుతంగా ఓ అమ్మాయి కాళ్లను ఇలా వర్ణించవచ్చా? అని ఆ పాట వింటే తెలుస్తుంది.
ఇప్పుడు మనం చెప్పుకోబోయే స్టోరీ కూడా అటువంటిదే. ఓ అమ్మాయి కాళ్ల గురించి. తన కాళ్లు ఈ ప్రపంచంలోనే అత్యంత పొడవైనవి. సాధారణంగా పొడుగు కాళ్లు అంటే మనకు గుర్తొచ్చేది బాలీవుడ్ బ్యూటీ శిల్పా శెట్టి. కానీ.. ఇప్పుడు పొడుగు కాళ్లు అంటే ఈ 17 ఏళ్ల యువతి గుర్తుకురావాలి.
అవును.. మీరు ఫోటోల్లో చూస్తున్నారుగా.. తన కాళ్లు ఎంత పొడుగు ఉన్నాయో? ఇటీవల యూఎస్ లో వీ హావ్ లెగ్స్ అంటూ ఓ ప్రచారం సాగింది సోషల్ మీడియాలో. అందరూ తమ అందమైన కాళ్లను ఫోటోలు తీసి సోషల్ మీడియాలో పోస్ట్ చేశారు. ఓ యువతి కూడా తన కాళ్లను ఫోటోలు తీసి సోషల్ మీడియాలో పోస్ట్ చేసింది. అయితే.. ఆ యువతి కాళ్లను చూసి ప్రపంచమే నివ్వరపోయింది. ఎందుకంటే.. ఆ యువతి ప్రపంచంలోనే అత్యంత పొడవైన కాళ్లు ఉన్న మహిళగా చరిత్రకెక్కింది. గిన్నిస్ వరల్డ్ రికార్డును సొంతం చేసుకుంది.
ఆమె పేరు మ్యాకీ కరిన్. వయసు 17 ఏళ్లు.. యూఎస్ లోని టెక్సాస్ తన ఊరు. ఇదివరకు ఈ పొడుగు కాళ్ల సుందరి రికార్డు రష్యాకు చెందిన ఓ యువతి పేరిట ఉండేది. తాజాగా ఆ రికార్డును మ్యాకీ బ్రేక్ చేసింది.
గిన్నిస్ వరల్డ్ రికార్డు ప్రకారం.. తన కాళ్ల పొడవు 1.5 మీటర్లు. ఏదో సరదాకి తన కాళ్లను సోషల్ మీడియాలో పెడితే.. ఇప్పుడు తను ఆ కాళ్ల వల్లనే సోషల్ మీడియా సెలబ్రిటీ అయిపోయింది.