అమెరికా చరిత్రలో ఎప్పటికి మర్చిపోలేని వ్యక్తి సామ్యూల్ లిటిల్. అతనొక ప్రొఫెషనల్ సీరియల్ కిల్లర్. అయితే అతడు ఇటీవల కన్నుముయ్యడంతో అమెరికన్లు ఊపిరిపీల్చుకున్నారు. ఇప్పటికే అతను 19 రాష్ట్రాల్లో సుమారు 93 మంది ప్రాణాలు తీసాడు. దీని గురించి కాలిఫోర్నియా కరెక్షన్స్ అండ్ రీహాబిలిటేషన్ డిపార్టుమెంట్ ఇటీవల ప్రకటన విడుదల చేసింది. అతడు మరణించే సమయానికి అతడికి 80 ఏళ్ళు మరియు అతను అమెరికాలోని 19 రాష్ట్రాల్లో ఏకంగా 93 మందికి పైగా ప్రాణాలు బలితీసుకున్నాడు, అతడొక నరరూప రాక్షసుడిగా అమెరికాలో రికార్డ్ సృష్టించాడు.
1940 జూన్ 7న రెనాల్డ్స్(జార్జియా)లో సామ్యూల్ లిటిల్ జన్మించాడు. అతడి తల్లి సామ్యూల్ పసివాడుగా ఉన్నపుడే తనను బంధువుల ఇళ్లలో వదిలివెళ్లడంతో అతడి బాల్యం ఒంటరిగానే గడిచింది. అతడి చిన్నతనంలో తరగతి గదిలో ఉన్నపుడు ఓ టీచర్ తన మెడను రుద్దుకున్నపుడు అది చుసిన సామ్యూల్ కి అప్పటి నుంచి ఎవరి మెడను చూసినా గట్టిగా నొక్కిపట్టాలని గొంతు నులమాలనే కోరిక పుట్టిందట.
పదమూడేళ్ల వయస్సులో అతడు ఒక దొంగతనం చేసి పోలీసుల చేతికి చిక్కాడు. ఆ తర్వాత ఓ సీరియల్ కిల్లర్ గా మారి పదుల సంఖ్యలో హత్యలు చేశాడు. అలా సుమారు 93 మంది మహిళ ప్రాణాలు తీసిన నర రూప రాక్షసుడిగా పేరుపొందాడు. తాను చంపిన వారి శరీరంపై ఉన్న బంగారం వంటి విలువైన వస్తువులు తీసుకుని శవాలను పొదల్లో పడేసి, పోలీసులకి ఎటువంటి ఆదరం దొరకకుండా చేసి అక్కడి నుంచి తప్పించుకునేవాడు. అలా ఒకానొక హత్య కేసులో లభించిన ఆధారాలతో 2014 లో సామ్యూల్ ని అరెస్టు చేశారు పోలీసులు. డీఎన్ఏ టెక్నాలజీని ఉపయోగించి నేరాన్ని రుజువు చేయడంతో స్థానిక కోర్టు అతడికి యావజ్జీవ కారాగార శిక్ష విధించింది. ఇక అప్పటి నుంచి కాలిఫోర్నియాలోని జైలులో సామ్యూల్ శిక్ష అనుభవిస్తు ప్రాణాలు కోల్పోయాడు.